Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹанда Ислам дининә аид ибадәт јерләриндә (мәсҹидләр) дин хадими кими ишләмәк истәјәнләр үчүн лазым олан сәнәдләр тәгдим едилмәлидир.
Бу барәдә Дини Гурумларла Иш үзрә Дөвләт Комитәсинин сәдр мүавини Ҝүндүз Исмајылов билдириб.
О дејиб ки, Ислам дининә аид ибадәт јерләриндә (мәсҹидләр) вакант вәзифәләрин тутулмасы үчүн мүсаһибәдә иштирак етмәк истәјән намизәдләр 24 мај 2022-ҹи ил тарихиндән 24 ијун 2022-ҹи ил тарихә гәдәр ашағыдакы сәнәдләри тәгдим етмәлидирләр:
• Шәхсијјәт вәсигәсинин сурәти вә ја бу барәдә дөвләт информасија еһтијатларындан чыхарыш;
• Тәрҹүмеји-һал;
• Дини али вә орта ихтисас тәһсил һаггында сәнәдин нотариал гајдада тәсдигләнмиш сурәти вә ја бу барәдә дөвләт информасија еһтијатларындан чыхарыш;
• Сағламлыг һаггында арајыш;
• Нарколожи диспансердән арајыш;
• Руһи-әсәб диспансериндән арајыш;
• Мәһкумлуг барәдә арајыш;
• Фото (3х4) (4 әдәд);
• Әризә.
• Тәләб олунан сәнәдләрдән әлавә намизәд өзүнүн елми-педагожи вә јарадыҹылыг фәалијјәти барәдә сәнәдләри дә тәгдим едә биләр.
Мүсаһибәдә иштиракла бағлы сәнәдләрин гәбулу үчүн мүәјјән едилмиш сон мүддәт битдикдән сонра мүсаһибәнин кечирилмәси вахты вә јери Дини Гурумларла Иш үзрә Дөвләт Комитәсинин интернет сајтында јерләшдириләҹәк.
Диггәт: Хәбәрдән Истифадә Етдикдә Мәнбәјә Истинад Лазымдыр!
