АБНА24 Хәбәр Верир , Финландијаја електрик енержисинин верилмәсинә сон гојулдугдан сонра инди нөвбә газ тәҹһизатынын ләғвинә чатыб. Белә ки, Русија тәрәфи Финландијаја газын нәгли дајандырыб
Ҹүмә ҝүнү һәм Финландија, һәм дә Русија енержи ширкәтләри бу хәбәри тәсдигләјибләр. Бунунла белә Финландијанын “Ҝасҝрид Финланд” ширкәтинин мәлуматында дејилир ки, һазырда өлкәнин газ системи сабитдир.
Хатырладаг ки, даһа әввәл “Ҝазпром Ехпорт” ширкәти Финландијанын “Ҝасум” дөвләт ширкәти илә мүгавилә үзрә газ нәглини мајын 21-дән етибарән дајандырылаҹағыны ачыгламышды. Буна сәбәб Финландија тәрәфинин апрел ајында нәгл едилмиш газа ҝөрә өдәниш етмәмәси вә рубл илә өдәниш етмәкдән имтина етмәсидир. Лакин газын нәглинин дајандырылмасында Финландијанын НАТО-ја үзвлүк һагда әризә тәгдим етмәси бу мәсәләдә хүсуси рол ојнајыр.
Вашингтонда Дөвләт Департаментинин сөзчүсү бу аддымы тәнгид едәрәк билдириб ки, “бу, Русијанын енержидән силаһ кими истифадә етмәк үчүн илк ҹәһди дејил”.
Нед Прајс ҝүндәлик брифинг заманы дејиб: "Биз мүттәфигләримиз вә тәрәфдашларымызла бирликдә чалышырыг ки, Русија ҝәләҹәкдә онун енержи мәнбәләриндән истифадә едән өлкәләри ҝиров сахлаја билмәсин".
342/
22 may 2022 - 10:22
Xəbər kodu: 1259687
Финландијанын НАТО-ја гошулмаг барәдә рәсми шәкилдә әризә тәгдим етмәсинин ардынҹа Русија гоншу өлкәнин ҹәзаландырымасына башлајыб.
