Сејид Ибраһим Рәиси ики өлкә арасында мүнасибәтләрин маһијјәтиндән данышыб вә Азәрбајҹанын Иран үчүн ади бир гоншу дејил, ејни динә вә гоһумлуг бағларына малик олан өлкә олдуғуну билдириб.
Иран президенти дејиб ки, Ислам Республикасынын принсипиал мөвгеји өлкәләрин о ҹүмләдән Азәрбајҹанын әрази бүтөвлјү вә ваһидлијини дәстәкләмәкдир.
“Һансыса бир амилин ики өлкәнин сәмими әлагәләринә зәрәр вурмасына иҹазә вермәк олмаз. Реҝионда гоншу өлкәләр арасында хүсусилә дә Иранла Азәрбајҹан арасында гаршылыглы мәнафе вә конструктив мүнасибәтләр әсасәнда олан әлагәләр вар вә бу әлагәләр реҝионда тәһлүкәсизлијин тәмин едилмәсиндә ән тәсирли амилдир”, дејә Иранын һөкумәт башчысы әлавә едиб ки, АБШ вә Исраилин дүнја вә реҝион өлкәләринә үрәкләри јанмыр.
Азәрбајҹан баш назиринин мүавини Шаһин Мустафајев дә өз нөвбәсиндә ики өлкә президентләри арасында Ашгабадда баш тутан ҝөрүшүн вә бурада әлдә едилмиш разылашмаларын әлагәләрдә јени мәрһәлә олдуғуну билдириб вә сөзүҝедән разылашмаларын иҹрасынын сүрәтләнмәсини истәјиб.
Ш.Мустафајев Түркмәнистан газынын Иран васитәсилә “Сwап” едилмәси истигамәтиндә рәсми Теһранын атдығы аддымлардан мәмнунлуғуну ифадә едиб вә бу просесин артырылмасыны истәјиб. О һәмчинин билдириб ки, Азәрбајҹан Түркмәнистан електрик енержисинин дә Иран васитәсилә “Сwап” едилмәсинин тәрәфдарыдыр.
342/
20 may 2022 - 13:40
Xəbər kodu: 1259171
Иран Ислам Республикасынын президенти Азәрбајҹан Республикасынын баш назиринин мүавинини гәбул едәркән билдириб ки, онун өлкәси Азәрбајҹанла әмәкдашлыг сәвијјәсинин јүксәлдилмәсинин тәрәфдарыдыр.
