“Гарабағда истеһсал едилән електрик енержиси Иран васитәсилә ихраҹ едиләҹәк”

АБНА24 Хәбәр Верир , сәфир Сејид Аббас Мусәви бу барәдә дејиб: "Гарабағда истеһсал едиләҹәк електрик енержиси Иран васитәсилә Нахчывана, Түркијәјә вә Авропа өлкәләринә ихраҹ едиләҹәк."

Онун сөзләринә ҝөрә, Иран да бу електрик енержисиндән истифадә едәҹәк: "Ҝәләҹәкдә Гарабағда електрик стансијаларынын тикинтисиндә Иран ширкәтләринин иштиракы нәзәрдә тутулур".

Сәфир әлавә едиб ки, Иран ширкәтләринин Гарабағда һәм тәһсил комплексинин, һәм дә хәстәхананын тикинтисиндә иштиракы нәзәрдә тутулур: “Бу истигамәтдә иш апарылыр”.

Гејд едәк ки, 1994-ҹү ил 2 ијул тарихиндә “Азәрбајҹан Республикасы илә Иран Ислам Республикасы арасында һидро вә електроенерҝетика саһәләри үзрә әмәкдашлыг һаггында Меморандум” имзаланыб. Адычәкилән Меморандумда “Худафәрин” вә “Гыз галасы” һидроговшагларынын тикинти ишләринә башланылмасына даир разылыг әлдә едилиб.

Адычәкилән лајиһәнин иҹрасы илә бағлы апарылан узунмүддәтли мүзакирәләрин нәтиҹәси олараг стансијаларын тикинтиси илә бағлы “Азәрбајҹан Республикасы Һөкумәти илә Иран Ислам Республикасы Һөкумәти арасында Араз чајы үзәриндә “Худафәрин” вә “Гыз Галасы” һидроговшагларынын вә су електрик стансијаларынын тикинтисинин давам етдирилмәси, истисмары, енерҝетика вә су еһтијатларындан истифадә саһәсиндә әмәкдашлыг һаггында Сазиш” 23 феврал 2016-ҹы ил тарихдә имзаланыб.

Хатырладаг ки, бу ҝүнә гәдәр Гарабағда 4 мин мегават ҝүҹүндә 9 електрик стансијасы ачылыб. Һәмчинин, беш су електрик стансијасы тикилир вә бу лајиһәләр 2022-ҹи илдә бөјүк еһтималла тамамланаҹаг. Бунунла јанашы, Лачын вә Кәлбәҹәрдә 100 мегават ҝүҹүндә күләк електрик стансијаларын, һәмчинин, 50 мегаватлыг ҝүнәш електрик стансијаларынын тикинтиси нәзәрдә тутулуб.

342/