АБНА24 Хәбәр Верир , Русија Мүдафиә Назирлијинин рәсми нүмајәндәси, ҝенерал-мајор Игор Конашенков билдириб ки, әмәлијјат-тактики вә орду авиасијасы ҹанлы гүввәнин вә Украјна һәрби техникасынын ҹәмләшдији 58 әразини вуруб.
Онун сөзләринә ҝөрә, Русија Гуру Гошунларынын ракет гошунлары вә артиллеријасы Украјнада кечирилән хүсуси әмәлијјат заманы бир сутка әрзиндә Украјна Силаһлы Гүввәләринин 350-јә јахын һәдәфини вуруб.
Ҝенерал гејд едиб ки, ракет гошунлары вә артиллерија Украјна Силаһлы Гүввәләринин 6 команда мәнтәгәсини, ҹанлы гүввә вә һәрби техникасынын ҹәмләшдији 295 әразини, атәш мөвгеләриндәки Украјнанын 43 артиллерија вә минаатан бөлмәсини вә ики електрон дөјүш мәнтәгәсини вуруб.
Украјна тәрәфи исә билдириб ки, Донбасда ҝүн әрзиндә Украјна әсҝәрләри русларын 16 һүҹумуну дәф едиб.
Украјна Силаһлы Гүввәләринин Баш Гәрарҝаһы тәрәфиндән јајылан мәлуматда дејилир: “Сон 24 саат әрзиндә Донетск вә Луганск истигамәтләриндә дүшмәнин он алты һүҹуму дәф едилиб. Еләҹә дә 8 танк, 17 зиреһли техника вә 4 хүсуси техника мәһв едилиб”.
Бу арада “Политико” нәшри јазыб ки, АБШ Украјнаја узагмәнзилли ракет системләрини вермәјә тәләсмир, чүнки Кремлин буна һәддән артыг ҝәрҝинлик кими бахаҹағындан еһтијатланыр.
Мәлумата әсасән, АБШ артыг Украјнаја өз мүттәфигләринин арсеналында олан совет истеһсалы аналожи системләрин верилмәсини тәмин едиб. Лакин Украјна даһа ҝүҹлү вә дәгиг АБШ системләринә үмид едир. Кијев буну биринҹи ај дејил ки, истәјир вә әсасландырыр ки, ҝүҹлү реактив јајлым атәш системләри шәргдә дөјүш мејданында артиллерија дуели заманы үстүнлүк әлдә етмәк үчүн чох ваҹибдир.
342/
20 may 2022 - 13:25
Xəbər kodu: 1259159
Русија ордусу Украјна Силаһлы Гүввәләринин 350-јә јахын һәдәфини вурдуғуну билдириб.
