АБНА24 Хәбәр Верир , Путин Москвада кечирилән һәмин ҝөрүшдә дејиб: "Биз Гарабағ проблеминин һәллиндә бирҝә фәал ишләмәјә давам едирик. Үчтәрәфли форматда, Азәрбајҹандан олан тәрәфдашларымызла бирликдә. Бир чох мәсәләләр вар. Сизинлә ҝөрүшмәк вә бүтүн комплексләр һаггында данышмаг имканы әлдә етдијимә ҝөрә шадам".
Русија һазырда Гарабағ мәсәләсини фактики олараг өз нәзарәтиндә сахлајыр вә бөлҝәдә јашајан ермәниләрин өз дөвләт структурларыны горујуб сахламасына, о ҹүмләдән дә силаһлы гүввәсини ҝүҹләндирмәсинә көмәклик ҝөстәрир. Бундан әлавә рус иҹмасынын јарадылмасынын мүәллифи јенә Русијадыр. Бунлар исә Бакынын диггәтиндән кәнарда галмыр вә Азәрбајҹанда әксәр сијасәтчиләр русијалы сүлһмәрамлыларын Гарабағы тәрк етмәсини тәләб едирләр. Онларын гәнаәтинҹә Русија ермәни силаһлы бирләшмәләрини ләғв етмәдијинә ҝөрә 10 нојабр 2020-ҹи ил разылашмасыны позубдур. Буна ҝөрә дә сүлһмәрамлыларын һазыркы фәалијјәти Азәрбајҹанын суверен һүгугларыны мәһв едир.
Гејд едәк ки, Пашинјан Москваја КТМТ-јә үзв өлкәләрин лидерләринин саммитиндә иштирак етмәк үчүн ҝедиб. Фүрсәтдән истифадә едәрәк Ермәнистанын баш назири бәзи үзв дөвләтләри Икинҹи Гарабағ Мүһарибәси заманы Азәрбајҹана силаһ сатмагда иттиһам едиб.
Мараглыдыр ки, Азәрбајҹан рәһбәрлији сон ҝүнләр мүһарибә әснасында Русијанын Ермәнистана хејли һәҹмдә силаһ вә һәрби техника ҝөндәрдијинә хатир ону тәнгид етмишди.
Базар ертәси Москвада КТМТ-нин саммити кечирилиб. Ермәнистан, Беларус, Русија, Газахыстан, Гырғызыстан вә Таҹикистан Коллектив Тәһлүкәсизлик Мүгавиләси Тәшкилатынлн үзвләридирләр.
КТМТ-јә бу ил Ермәнистан сәдрлик едир.
342/
18 may 2022 - 20:19
Xəbər kodu: 1258782
Русија президенти Владимир Путин Кремлдә Ермәнистанын баш назири Никол Пашинјанла Гарабағ мүзакирә едиб.
