АБНА24 Хәбәр Верир , Сејид Ибраһим Рәиси бу ҝүн кечирилән бу ҝөрүшдә сүнни әһлиндән олан вәтәндашларын вә дин алимләринин өлкә тарихиндәки јерини өнәмли адландырыб. Билдириб ки, сүнни әһлиндән олан дин алимләри вә мүтәфәккирләр өз дијарларында бир чох хидмәтин мәншәјидирләр вә илләрдир, Ислами Иранда шиә вә сүнни бир-бирилә јанашы јашајыр.
Рәиси ҝөрүшүн давамында сүнни әһлиндән олан бәзи дин алимләринин идарәчилик вәзифәләриндә онлардан даһа чох истифадә едилмәсинә даир хаһишинә ишарә едиб вә белә сөјләјиб: Ләјагәти оланлардан истифадә, мүһүм вә зәрури бир мәсәләдир. Дөвләт үчүн мејар, сәмәрәлиликдир вә һәр бир вилајәтдә һәмин вилајәтин јерли гүввәсиндән истифадәјә тәкид едирәм.
Чыхышынын башга бир һиссәсиндә реҝионда тәкфирчи ҹәрәјанларын инкишафы мәсәләсинә ишарә едән Рәиси белә гејд едиб: Өлкәдә тәкфирчи вә сәләфи тәфәккүрләрин сызмасындан еһтијатлы олмалыјыг; Инҝилис шиәси илә американ сүнниси бир сиккәнин ики үзүдүр. Онларын һәр икиси Ислам Дүнјасынын бирлијинә гаршыдыр.
342/
16 may 2022 - 09:06
Xəbər kodu: 1257946
Иран Ислам Республикасынын президенти сүнни әһлиндән олан дин алимләриндән бир групу илә ҝөрүшдә шиә-сүнни вәһдәтини стратежи бир мәсәлә адландырыб.
