АБНА24 Хәбәр Верир , гејд олунур ки, Русијанын Донбасдакы һүҹуму сүрәтини итириб вә графикдән хејли ҝери галыб. Һәмчинин сон бир ајда әһәмијјәтли әрази уғурлары әлдә едә билмәјиб.
“Мөвҹуд шәраитдә Русијанын гаршыдакы 30 ҝүн әрзиндә ирәлиләмә темпинин сүрәтләнмәси мүмкүн дејил”, - бәјанатда дејилир.
Бу арада Украјна мәнбәләри билдирирләр ки, Русија гүввәләри Мариуполдакы “Азовстал” заводунун әразисинә фосфорлу вә ја јандырыҹы бомба атыблар.
Мариупол шәһәр меринин мүавини Пјотр Андрјушенко бу барәдә дејиб: “Мариупол. Дүнән ишғалчылар илк дәфә шәһәрин мүдафиәчиләринә гаршы јандырыҹы ја да фосфорлу бомбалардан истифадә етдиләр”.
Онун сөзләринә ҝөрә, руслар да јандырыҹы мәрмиләрдән истифадә етдикләрини етираф едибләр.
Кијевин диҝәр бир иддиасына әсасән, Украјнада дөјүш әмәлијјатлары заманы Русијанын Гара дәниз Донанмасынын 810-ҹу әлаһиддә дәниз пијадалары бригадасы ҹидди иткиләрә мәруз галыб.
Украјна Баш Гәрарҝаһынын мәлуматына ҝөрә, Русија бригаданы Гара дәниз Донанмасынын диҝәр бөлмәләринин шәхси һејәти илә тәмин етмәк гәрарына ҝәлиб. Дәниз пијадаларынын сыралары ҝәмиләрин һејәтләри илә долдурулур.
342/
16 may 2022 - 09:02
Xəbər kodu: 1257942
Британија кәшфијјаты иддиа едиб ки, Русија Украјнадакы гуру гошунларынын үчдә бирини итириб.
