Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, бу ҝүн 08 Мај 2022 тарихдә Үмүдүнја Мүсәлманларынын Али Лидери һәзрәт Ајәтуллаһ Сејјид Әли Хаменеи Теһранда Суријанын президенти Бәшшар Әсәд вә ону мүшајиәт едән нүмајәндә һејәтини гәбул едиб.
Имам Хаменеи һәзрәтләри хош вә сәмими кечирилән ҝөрүшдә Суријанын сијаси вә һәрби мејданлардакы бөјүк уғурларына ишарә едәрәк бујурублар: “Буҝүнкү Сурија, мүһарибәдән габагкы Суријадан фәрг едир. Бахмајараг ки, о заманкы Суријада харабалыглар јох иди амма бу ҝүнкү Суријанын иззәт вә етибары кечмишдәкиндән гат-гат чохдур вә һамы бу өлкәјә бир гүдрәт кими бахыр.”
“Бу ҝүн Суријанын президенти вә халгы реҝион халгларынын јанында башыуҹадырлар”- дејә, һәзрәт Ајәтуллаһ Хаменеи билдириб вә вурғулајыблар: “Бәзи реҝион өлкәләринин башчылары сионист режимин башчылары илә ҝөрүшүр, бир-бириләрилә гәһвә ичирләр, амма елә һәмин бу өлкәләрин халглары Гүдс ҝүнүндә күчәләри инсанлар вә анти-сионист шүарларла долдурурлар вә бу, реҝионун буҝүнкү реаллығыдыр.”
Үмүмдүнја Мүсәлманларынын Али Рәһбәри һәмчинин шәһид маршал Гасым Сүлејманинин хатирәсини јад едиб вә белә сөјләјибләр: “О мөһтәрәм шәһидин Суријаја ајры бир диггәти варды вә сөзүн әсл мәнасында, о, фәдакарлыг едирди. Онун Суријадакы рәфтары Иранын 8 иллик Мүгәддәс Мүдафиәсиндәки рәфтарындан фәргләнмирди.”
Дүнја Мүсәлманларынын Али Лидери әлавә едибләр: “Шәһид Сүлејмани вә Сепаһ-ын диҝәр ҝөркәмли шәхсијјәтләри, о сырадан шәһид Һәмәдани доғрудан да ҹанла-башла сәј ҝөстәрир вә Сурија мәсәләсинә бир вәзифә вә мүгәддәс бир мәсәлә кими бахырдылар. Бу әлагә һәр ики өлкә үчүн һәјати әһәмијјәт кәсб едир вә биз онун зәифләмәсинә имкан вермәмәлијик, мүмкүн гәдәр ҝүҹләндирмәлијик.”
Һәзрәт Ајәтуллаһулузма Хаменеи һәмчинин өтән илләрдә Сурија илә гаршы ҹәбһәдә дуран бәзи өлкәләрин һазырда достлуг вә мәһәббәт ифадә етмәләринә ишарә едәрәк билдирибләр: “Өтән тәҹрүбәләрдән истифадә едәрәк ҝәләҹәк илләрин јолуну ајдынлашдырмаг лазымдыр.”
Ајатуллаһ Сејјид Әли Хаменеи ҹәнаблары Сурија президентинин руһ јүксәклијини дәјәрләндирәрәк, бөјүк ишләр ҝөрмәк үчүн әсас амил һесаб едиб вә бујурублар: “Иран Ислам Республикасынын президенти вә һөкумәти дә һәгигәтән актив вә јүксәк әһвал-руһијјә вә ирадәјә маликдирләр вә Сурија мәсәләси илә бағлы ҹидди нараһатлыг вә мотивасијаја маликдирләр. Бу фүрсәтдән ики өлкә арасында әлагәләрин даһа да јахшылашдырылмасы үчүн истифадә едилмәлидир.”
Сурија президенти ҹәнаб Бәшшар Әсәд Иран халгы вә дөвләтинин мөвге вә һимајәләринә ҝөрә миннәтдарлыг ифадә едәрәк, шәһид Сүлејманинин хатирәсини јад едиб вә сөјләјибләр: “Иранын өтән гырх илдә реҝион мәсәләләриндә, хүсусән дә Фәләстин мәсәләсиндәки дајаныглы мөвгеји вә мүгавимәти бүтүн реҝион халгларына ҝөстәрди ки, Иранын јолу, дүзҝүн вә принсипиал бир јолдур.”
Сурија президенти гејд едибләр: “Мүһарибәнин харабалыгларыны бәрпа етмәк мүмкүндүр, амма тәмәлләр вә принсипләр дағыларса, јенидән бәрпа олуна билмәз вә Иран халгынын, сизин сәјләринизлә давам едән Имам Хомејнинин тәмәл вә принсипләринә ујғун мүгавимәти, Иран халгынын вә реҝион халгларынын, хүсусән дә фәләстинлиләрин бөјүк гәләбәләр әлдә етмәсинә јол ачыр.”
Ҹәнаб Бәшшар Әсәд әлавә едибләр: “Бәзиләри дүшүнүр ки, Иранын Мүгавимәт Ҹәбһәсинә вердији дәстәк јалныз силаһ дәстәјидир, бир һалда ки, Ислам Республикасынын ән мүһүм дәстәји вә көмәји давамлы сүрәтдә мүгавимәт руһијјәсини тәзриг етмәсидир.”
Сурија президенти Бәшшар Әсәд Ислам Ингилабынын Бөјүк Рәһбәри вә Иран Ислам Республикасынын президенти илә ҝөрүшдән сонра Теһрандан Суријанын пајтахты Дәмәшгә јола дүшүб.
Диггәт: Хәбәрдән Истифадә Етдикдә Мәнбәјә Истинад Лазымдыр!
