АБНА24 Хәбәр Верир , Иранын хариҹи ишләр назири Һүсејн Әмир Абдуллаһиан вә БМТ-нин баш катиби Антонио Гутерреш ҹүмә ҝүнү баш тутан телефон данышығында бәзи реҝионал вә бејнәлхалг һадисәләр, о ҹүмләдән Јәмән, Әфганыстан вә Украјнадакы вәзијјәт, һабелә Ирана гаршы санксијаларын арадан галдырылмасы илә бағлы Вјана данышыгларыны мүзакирә едибләр.
Әмир Абдуллаһијан Иран вә АБШ арасында Авропа Бирлији васитәсилә давам едән месаж мүбадиләсинә ишарә едәрәк, АБШ-ын максимум тәзјиг сијасәтинин мөвҹуд вәзијјәтә сәбәб олдуғуну дејиб.
Әмир Абдуллаһиан һәмчинин АБШ Конгресинин мәҹбури олмајан гәрарыны тәнгид тәнгид едиб вә билдириб ки, узунмүддәтли, ҝүҹлү вә әдаләтли бир разылашмаја наил олмаг АБШ һөкумәтинин кечмишдәки сәһв јанашмасыны компенсасија етмәк үчүн реал вә ҹәсарәтли гәрар гәбул етмәсини тәләб едир.
Иранын хариҹи ишләр назири бу телефон данышығынын диҝәр бир һиссәсиндә Јәмәндә мүвәггәти атәшкәсә тохунараг, атәшкәсин давам етдирилмәсинин зәрури олдуғуну билдириб, лакин атәшкәс разылашмасы илә бағлы өһдәликләрин јеринә јетирилмәсини вә Јәмәнин һуманитар мүһасирәсинин арадан галдырылмасыны истәјиб.
Иранын хариҹи ишләр назири даһа сонра Әфганыстандакы тәһлүкәсизлик вә һуманитар вәзијјәтин ҹидди нараһатлыг доғурдуғуну дејиб вә орада бүтүн етник групларын иштиракы илә әһатәли һөкумәтин гурулмасынын ваҹиблијини вурғулајыб.
Әмие Абдуллаһиан Иранын Украјнада давам едән мүһарибәјә гаршы олдуғуну билдириб вә Иран Ислам Республикасынын мүһарибәдән узаг дурмаг вә диггәти Украјна бөһранынын һуманитар аспектләринә вә сијаси һәлл јолларына јөнәлтмәк үчүн ҝөстәрдији сијаси сәјләрә тохунараг, гејд едиб ки, Украјна бөһраны бејнәлхалг иҹтимаијјәтин диггәтинин Әфганыстандакы һуманитар фәлакәтә јөнәлмәсинә мане олмамалыдыр.
БМТ-нин баш катиби дә бу телефон данышығында санксијаларын арадан галдырылмасы илә бағлы Вјана данышыгларында сијаси тәшәббүсләрин ваҹиблијинә диггәт чәкиб вә данышыгларын давам етдириләҹәјинә вә арзу олунан нәтиҹәләрә ҝәтириб чыхараҹағына үмид етдијини билдириб.
БМТ-нин рәһбәри Әфганыстанда инклүзив һөкумәтин формалашдырылмасынын әһәмијјәтини вурғулајараг, Иран Ислам Республикасынын әфган гачгынларын гәбулу, онлара һуманитар јардымын ҝөстәрилмәси, һәмчинин көчкүн әфганлара ев саһиблији етмәкдәки конструктив ролуну јүксәк гијмәтләндириб.
342/
8 may 2022 - 14:57
Xəbər kodu: 1255801
Иранын хариҹи ишләр назири БМТ-нин Баш катиби илә телефон данышығында Вјана данышыгларындакы мөвҹуд вәзијјәтә ҝөрә АБШ-ын максимум тәзјиг кампанијасыны ҝүнаһландырыб.
