Фәләстинин бу ҝүн Ислам дүнјасынын биринҹи мәсәләси олдуғуну билдирән һөҹҹәтүлислам вәлмүслимин Сејид Мәһәммәд Һәсән Әбу-Турабифәрд әлавә едиб: Ишғал олунмуш әразиләрдәки гејри-инсани сәрт тәдбирләрә вә јохлама-бурахылыш мәнтәгәләринә рәғмән, ики јүз миндән чох инсан Бејтүлмүгәддәсдә кечирилән әзәмәтли ҹүмә намазы мәрасиминдә иштирак етди. Чох үмидвериҹи олан бу мәсәлә Исламын дүшмәнләри үчүн мәјуслуг вә үмидсизлик месажына маликдир.
«Сионист режим бундан өнҹәјәдәк һүҹум мөвгејиндә дурурду вә алтыҝүнлүк саваш бу һүҹумун тәзаһүрү иди»-дејән Теһранын мүвәггәти имамҹүмәси билдириб: Алты ҝүн әрзиндә үч ислами өлкә, о сырадан Мисир, Сурија вә Иорданија сионистләрин тәҹавүзүнә мәруз галды, амма бу ҝүн бу һүҹум мөвгеји ачыг-ашкар мүдафиә вәзијјәтинә чеврилибдир.
Һөҹҹәтүлислам вәлмүслимин Әбу-Турабифәрд әлавә едиб: Бу ҝүн сионистләр Гәззәнин, гәрб саһилнин, Ливанын ислами мүгавимәтинин, Ирагын Һәшдүшшәби һәрәкатынын, Јәмәнин шүҹаәтли дөјүшчүләринин вә ислами мүгавимәтин мүһасирәсиндәдирләр вә шәраит тамамилә дәјишибдир. Бу јол сионист режимин тез бир заманда деврилмәсинәдәк давам едәҹәк вә халгын Гүдс ҝүнү јүрүшүндәки иштиракы бу амал үчүн јол ачыб.
342/
7 may 2022 - 18:23
Xəbər kodu: 1255477
Теһранын ҹүмә намазы хитабәтчиси дејиб ки, сионист дүшмән ислами мүгавимәт ҹәбһәсинин мүһасирәсиндәдир.
