АБНА24 Хәбәр Верир , Русија Украјнанын Одесса һава лиманына ракет зәрбәләри ендириб.
Ракет һүҹуму нәтиҹәсиндә Одесса һава лиманынын учуш-енмә золағы зәдәләниб вә онун јенидән истифадәси мүмкүн дејил.
Һәмчинин, шәһәрдә бир нечә партлајыш сәси ешидилиб. Одесса вилајәтиндә һава һәјәҹаны елан едилиб. Вәтәндашлардан сығынаҹаға ҝетмәләри хаһиш олунуб.
Бу арада Британија кәшфијјаты мәлумат јајыб ки, Русија мартын әввәлиндә Херсон шәһәрини әлә кечирдикдән сонра русијапәрәст администрасија гурмагла шәһәр вә әтраф рајонлар үзәриндә өз нәзарәтини гануниләшдирмәјә ҹәһд едиб. Херсона вә онун нәглијјат әлагәләринә узунмүддәтли нәзарәт Русијанын шимал вә гәрбдә ирәлиләјишләри дәстәкләмәк габилијјәтини артыраҹаг вә Крым үзәриндә нәзарәтинин тәһлүкәсизлијини јахшылашдыраҹаг.
Украјна исә јени гәләбәләр барәдә хәбәр јајыр. Иддиа олунур ки, бу өлкә ордусу Русијанын ики гәрарҝаһыны сырадан чыхарыб.
Украјна Президенти Офиси рәһбәринин мүшавири Алексеј Арестович гејд едиб ки, Украјна Силаһлы Гүввәләри Харков вилајәтиндә Русија ордусунун команда мәнтәгәләринә һүҹум едиб. Илкин мәлумата ҝөрә, бир нечә јүз һәрбчи өлдүрүлүб.
Арестович, һәмчинин шәнбә ҝүнү КИВ-дә Русија Һава-Дәниз Гүввәләринин Баш Гәрарҝаһ рәиси, ҝенерал А.Д. Симоновун өлдүрүлмәси илә бағлы јајылан мәлуматы шәрһ едиб.
О вурғулајыб ки, дәгигләшмә тәләб едән бәзи мәлуматлара ҝөрә, Һава Десант Гүввәләринин гәрарҝаһ рәиси мәһв едилиб.
Украјна президенти Владимир Зеленски исә мүһарибәнин перспективиндән данышыб.
“Украјна азад олунаҹаг. Херсон, Нова Каховка, Мелитопол, Бердјанск, Днепрудне вә бүтүн диҝәр мүвәггәти гәсб олунмуш шәһәрләр азад едиләҹәкләр”, - дејә Зеленски гејд едиб.
342/
2 may 2022 - 12:03
Xəbər kodu: 1254140
Украјнада мүһарибә һәссас мәрһәләјә дахил олуб. Русија бу өлкәнин ҹәнуб лиманларыны бағламаға вә Донбасы өз нәзарәтинә алмаға чалышаркән, президент Зеленски ишғал олунмуш әразиләрин гајтарылаҹағыны вәд едир.
