АБНА24 Хәбәр Верир ,Азәрбајҹан Республикасы бу илин мајында Бакы-Новоросиск нефт кәмәри илә нефт нәгл етмәјәҹәк. Нәгли шимал кәмәри илә нәзәрдә тутулан нефт Бакы-Тбилиси-Ҹејһан бору кәмәри илә дүнја базарына чыхарылаҹаг. Бу барәдә СОҸАР-дан адынын аноним сахланмасыны истәјән мәнбә билдириб.
СОҸАР нүмајәндәси тәфәррүатлары дәрҹ етмәдән билдириб ки, Бакы-Новоросиск кәмәри илә нефт нәглинин дајандырылмасы “коммерсија мәсәләсидир”.
Бәзи аналитикләрин фикринҹә, бу, Русијанын “Транснефт” ширкәтинин транзит һаггыны рублла өдәмәк нијјәти илә бағлыдыр. Ејни заманда бу, рәсми Бакы тәрәфиндән Русијаја гаршы санксијаларда иштирак етмәк үчүн Гәрб дөвләтләринә дә бир нөв месаж сајыла биләр.
Һәмин аналитикләр гејд едирләр ки, Азәрбајҹан тәрәфи Русија илә 22 февралда Стратежи Тәрәфдашлыг һаггында Бәјаннамә имзаласа да, Украјна мүһарибәсиндә Москванын мөвгејини дәстәкләмәкдә вә ја балансы горујуб сахламагда чәтинлик чәкир.
342/
1 may 2022 - 19:04
Xəbər kodu: 1253835
Азәрбајҹан Республикасы Русија әразисиндән нефт нәглини дајандырыр.
