АБНА24 Хәбәр Верир ,Ингилаб Рәһбәринин гәнаәтинҹә, мүгавимәт мејданы бүтүн халг арасында ҝенишләниб, ишғалчы режим вә онун әсас һимајәдары олан Америка зәифләјиб вә сон илләрдә баш верән һадисәләр сионист режимлә бүтүн тәслимчилик планларыны алт-үст едибдир.
Һәзрәт Ајәтуллаһүл-узма Хаменеи Гәрби Асијада мүгавимәтин формалашмасыны бу реҝионда ән мүбарәк һадисә һесаб едәрәк, бу һадисәнин әвәзолунмаз немәтләрини хатырладыб. “Јалныз мүгавимәтин ҝүҹү илә Ислам дүнјасынын вә хүсусилә Фәләстин проблеминин һәллинә наил олмаг мүмкүндүр. Г әсбкар вә ҹинајәткар сионист режимин Гүдсә һаким олдуғу мүддәтҹә илин һәр ҝүнү Гүдс ҝүнү һесаб олунмалыдыр. Гүдси-Шәриф Фәләстинин үрәјидир вә гәсб олунмуш өлкәнин һәр јери, дәниздән дәрәјә гәдәр Гүдсүн давамыдыр.”
Алимәгамлы Рәһбәрин бүтүн Фәләстинин мүгавимәт сәһнәсинә чеврилмәсини вурғуламасы ишғал алтындакы Фәләстиндә сон илләрдә баш верән просесләр фонунда ифадә олунуб. Исраилин мәнафејинә вә фәләстинлиләрә гаршы, хүсусилә Гүдсүн Исраил режиминин пајтахты кими танынмасы истигамәтиндә мисли ҝөрүнмәмиш аддымлар атан АБШ-ын кечмиш президенти Доналд Трампын һакимијјәти дөврүндә сионист режим бу гәнаәтә ҝәлмишди ки, бүтүн фәләстинлиләрин Шәрги Гүдсдән говулмасы вә Гүдсүн јәһудиләшдирилмәси үчүн мүнбит шәраит јараныб. Бу сәбәбдән о, илк нөвбәдә фәләстинлиләрин әҹдадларынын торпағы олан шәһәрин әразиләриндән вә мәһәлләләриндән говулмасына, о ҹүмләдән фәләстинлиләрин Шәрги Гүдсдәки Шејх Ҹәрраһ мәһәлләсиндән чыхарылмасы үчүн 2021-ҹи илин орталарында ҝүҹ тәтбиг етди. Бу, Иордан Чајынын Гәрб Саһилиндә вә Гәззә золағында кәскин реаксијаја вә фәләстинлиләрин ҝениш етиразына сәбәб олду. Бунун ардынҹа етиразлар илк дәфә олараг 1948-ҹи илдә ишғал олунмуш әразиләрә јајылды вә бу әразиләрдә јашајан фәләстинлиләр Фәләстинин диҝәр бөлҝәләриндәки сојдашлары илә ајаглашдылар. Бунунла паралел олараг фәләстинли ҹиһадчы групларын сионист режимин бу кобуд һәрәкәтинә реаксијасы вә режимин Мәсҹидүл-Әгсаја һүҹумуну давам етдирмәси сонда Исраил илә Гәззәдә ҹиһадчы груплар арасында нөвбәти дөјүшә ҝәтириб чыхарды ки, бу да нәһајәт мүгавимәтин ракет һүҹумларындан ваһимәјә дүшән гәсбкар режимин атәшкәс истәмәси илә баша чатды. Фәләстин Ислами Ҹиһад Һәрәкатынын сијаси бүросунун үзвү Халид әл-Бәтәш дејир: “2021-ҹи ил Фәләстин үчүн ән тәсирли ил олуб вә бу илин инкишафлары арасында Гүдс Гылынҹы дөјүшү хүсуси јер тутурду.”
Бу арада сионист режим буилки Рамазан ајында Мәсҹидүл-Әгсада фәләстинли ибадәт едәнләрә гаршы күтләви һүҹумлар тәшкил едәркән Шәрги Гүдсүн кимлијини дәјишдирмәк вә мүсәлманларын илк гибләси олан Мәсҹидүл-Әгсаја һүҹум етмәк үчүн јени аддым атды. Бу һәрәкәт фәләстинлиләрин кәскин реаксијасына сәбәб олду вә онларла сионист режим һәрбчиләри арасында ҝениш тоггушмалара сәбәб олду. Ејни заманда, ишғал олунмуш Фәләстиндә инкишаф едән феномен фәләстинли ҝәнҹләрин 1948-ҹи илдә ишғал олунмуш әразиләрдә јашајан сионистләрә гаршы һүҹумларыдыр ки, бу да онларын арасында ҝөрүнмәмиш горху вә паникаја сәбәб олуб.
Ајәтуллаһүл-узма Хаменеи Ҹенин дүшәрҝәсинин ајаға галхмасыны бүтүн Фәләстиндә мүгавимәтин јајылмасына даир конкрет аддымлар кими сәҹијјәләндирәрәк билдириб ки, фәләстинлиләрин 70 фаизи ишғалчы режимә гаршы ҹиһадчы һәрәкаты дәстәкләјир, 1948-ҹи ил әразиләринин шимал вә ҹәнуб һиссәләриндә Фәләстин халгы һәрәкәтә кечиб, Иорданија вә Шәрги Гүдсдә митингләр ара вермир, фәләстинли ҝәнҹләр Мәсҹидүл-Әгсаны шиддәтлә мүдафиә едир вә Гәззәдә һәрби тәлимләр кечирилир. Бунлар бүтүн Фәләстинин мүгавимәт сәһнәсинә чеврилдијинә вә Фәләстин халгынын буна садиг галдығына дәлаләт едир. Бу мүһүм һадисәләр фәләстинлиләрин ишғалчы режимлә гаршы-гаршыја ҝәлмәјә вә лазым билдикләри заман һәрәкәтә кечмәјә там һазыр олмалары демәкдир.
Ингилаб Рәһбәринин фикринҹә, сон илләрдә Фәләстиндә баш верән олајларын мүһүм месажы сионист дүшмәнлә бүтүн тәслимчилик планларынын алт-үст олмасыдыр: Фәләстинә даир һеч бир план онун әсл саһибләринин рәјинә зидд олараг һәјата кечирилә билмәз. Осло сазиши, ики дөвләтли әрәб планы, әсрин разылашмасы вә ја сон алчалдыҹы нормаллашмалар кими разылашмалар ләғв едилмиш һесаб олунурлар.
342/
1 may 2022 - 18:59
Xəbər kodu: 1253830
Ислам Ингилабынын Алимәгамлы Рәһбәри Ајәтуллаһүл-узма Хаменеи ҹүмә ҝүнү Үмумдүнја Гүдс Ҝүнү мүнасибәтилә телевизија илә чыхышында билдириб ки, Фәләстин халгынын хејринә фәргли ҝәләҹәјин чох үмидвериҹи әламәтләри өзүнү ҝөстәрмәјә башлајыб.
