АБНА24 Хәбәр Верир , бәјанатда дејилир: Үмумдүнја Гүдс Ҝүнү, Ислам Ингилабынын Даһи Банисинин јадиҝары, Ислам Дүнјасынын бирлији символу, јүксәк Фәләстин амалынын горунмасы, һәмчинин мәзлум вә зүлм чәкмиш Фәләстин халгынын сионист гәсбкарлар гаршысындакы мүбаризәсинә дәстәк символу олуб,/ дүнја азадлыгсевәрләринин ҹидди-ҹәһди илә, сионист апартеид режиминә вә онун һимајәдарларына гаршы азадлыг вә әдаләтсевәр мүбаризәләр јолунда тарихјазан бир һадисәјә чеврилибдир.
Бәјанатда сонра дејилир: Бу ҝүн бүтүн дүнјада диггәт мәркәзинә алынан Ислам Дүнјасы тәгвиминдәки бу бөјүк мүнасибәт,/ һәр ил ишғалчы вә апартеид сионист режимин рәдд едилмәси/ вә бу режимлә мүбаризәдә һагг ахтаранларын вәдә јери олубдур.
Бу ҝүн Гүдс мәсәләси тәкҹә ислами мәсәлә дејил, һәм дә азадлыгсевәрлијин мејары вә өлчүсү олан бејнәлхалг вә һуманист бир феномендир. Белә ки, Ислам Ингилабынын Мүдрик Рәһбәринин бәјан етдикләри кими: Бу ҝүн Фәләстини мүдафиә,/ Фәләстин мәсәләсиндән даһа ҝениш олан бир һәгигәти, мүдафиә етмәк демәкдир. Бу ҝүн сионист режимлә мүбаризә,/ империализм вә һеҝемончулуг системи илә мүбаризә демәкдир.
Иран Ислам Республикасынын Хариҹи Ишләр Назирлији бәјанатда сонра белә гејд едиб: Сионист режимин нәһс варлығы,/ мејдана чыхдығы ҝүндән бәри, мүхтәлиф методларла Фәләстин халгыны репрессија вә гарәт етмәјә әл атыб вә бу јолда һеч бир ҹинајәтдән чәкинмәјибдир. Милјонларла фәләстинлини дидәрҝин салыб, онларын јеринә, сионист гәсәбә сакинләрини мәскунлашдыран бу террорчу режим һәмин дидәрҝинләрә һәтта өз вәтәнләринә ҝери дөнмәк иҹазәси белә, вермир. Фәләстинлиләрә гаршы гәтл, дәлилсиз һәбс, ишҝәнҹә вә һејсијјәтин позулмасы,/ сионист режим үнсүрләринин ҝүндәлик ишинә чеврилиб. Бүтүн бу ҹинајәтләр инсан һүгуглары иддиасында олан бејнәлхалг органлар вә Гәрб һөкумәтләри тәрәфиндән ҹидди тәдбирләрин ҝөрүлмәмәси сајәсиндә төрәдилир.
Фәләстин халгынын гануни мүгавимәт кими леҝитим һаггына тәкидлә, нәзәрдә тутмаг лазымдыр ки, бүтүн бу ҹинајәтләр, дүнја мүсәлманлары вә азадлыгсевәрләринин һәр биринин ҹијнинә икигат мәсулијјәт гојур ки, өз фәрјад сәси илә мәзлум Фәләстин халгынын көмәјинә тәләссин.
Иран Ислам Республикасынын Хариҹи Ишләр Назирлији бу бәјанатда, Иранын вә Исламын башыуҹа сәркәрдәси, ҝенерал-лејтенант Шәһид Гасым Сүлејмани хүсусијјәт тәшкил етмәклә Фәләстин вә мүгавимәт јолу шәһидләринин хатирәләрини әзиз тутмагла билдирибдир ки, Фәләстинин бүтүн әсас сакинләринин иштиракы илә референдумун кечирилмәси, Фәләстинин ҝәләҹәји вә мүгәддәратынын тәјини үчүн реал вә демократик тәклиф олмагда давам едир.
342/
29 aprel 2022 - 12:43
Xəbər kodu: 1252950
Иран Ислам Республикасынын Хариҹи Ишләр Назирлији Гүдс ҝүнү мүнасибәтилә јајдығы бәјанатда билдириб ки, Фәләстинин бүтүн әсас сакинләринин иштиракы илә референдумун кечирилмәси, Фәләстинин ҝәләҹәји вә мүгәддәратынын тәјини үчүн реал вә демократик тәклиф олмагда давам едир.
