АБНА24 Хәбәр Верир , Иран Ислам Республикасынын БМТ-дәки сәфири вә даими нүмајәндәси Мәҹид Тәхт-Рәванчи Исраил режиминин әл-Әгса мәсҹидинә басгынларыны писләјиб вә мүсәлманларын мүгәддәсләринә гаршы һәр һансы бир шәкилдә зоракылығын нәтиҹәләри барәдә хәбәрдарлыг едиб.
М.Тәхти-Рәванчи бу мүгәддәс мәканын һүгуги вә тарихи статусунун бејнәлхалг ганунлар чәрчивәсиндә горунмасынын ваҹиблијини вурғулајыб.
Тахт-Рәванчи БМТ Тәһлүкәсизлик Шурасынын Фәләстиндә баш верәнләри арашдырмаг үчүн кечирилән иҹласдакы чыхышында ишғалчы Исраилин Фәләстин халгына гаршы зоракылыглары илә бағлы БМТ Тәһлүкәсизлик Шурасынын сусгунлуғуну вә һәрәкәтсизлијини тәнгид едиб.
О дејиб: “Нә гәдәр ки, Тәһлүкәсизлик Шурасы бу ҹинајәтләрә сәссиз галмаға давам едир, фәләстинлиләр һаггларыны ала билмәјәҹәкләр.”
М.Тәхт-Рәванчи әлавә едиб: “БМТ Тәһлүкәсизлик Шурасынын һазыркы мөвгејинин давам етдирилмәси јалныз Исраили өз әмәлләриндә тәшвигләндирир, ону ишғала вә мәзлум Фәләстин халгына гаршы ҹинајәтләрини давам етмәк үчүн даһа ҹәсарәтли едир. Инди Фәләстин халгына гаршы ҹинајәтләр там сәнәдләшдирилиб вә инкаредилмәздир. Бунлар бејнәлхалг ганунлара әсасән мүһарибә ҹинајәтләри һесаб олунур вә бу ҹинајәтләри төрәдәнләр тәхирә салынмадан әдаләт гаршысында ҹаваб вермәлидирләр.”
Дипломатын сөзләринә ҝөрә, Тәһлүкәсизлик Шурасы Бирләшмиш Милләтләр Тәшкилатынын низамнамәсинә ујғун олараг бејнәлхалг сүлһ вә тәһлүкәсизлијин горунмасы үзрә өз өһдәликләрини јеринә јетирмәли вә Исраили малик олдуғу бүтүн һүгуги васитәләрлә һесаба чәкмәлидир. БМТ Тәһлүкәсизлик Шурасы да әмин олмалыдыр ки, һәрби ҹинајәтләр диггәтдән кәнарда галмајаҹаг.
342/
27 aprel 2022 - 10:44
Xəbər kodu: 1252227
Иран әл-Әгса мәсҹидинин бејнәлхалг ганунлар чәрчивәсиндә горунмасыны тәләб едиб.
