АБНА24 Хәбәр Верир , Азәрбајҹан Республикасы ХИН-ин бәјанатында дејилир: АБШ Президенти Ҹо Бајденин ермәни аным ҝүнү мүнасибәтилә сәсләндирдији бәјанатында нөвбәти дәфә 1915-ҹи ил һадисәләри илә бағлы тарихи һәгигәтләрин тәһриф олунмасы тәәссүф доғурур.
Бәјанатда мәсәләнин сијасиләшдирилмәсинин гәбуледилмәз олдуғу билдирилиб: “Бир әср бундан өнҹә баш верән һадисәләрин јанлыш шәкилдә тәгдим едилмәси вә гондарма “ермәни сојгырымы” мәсәләсинин сијасиләшдириләрәк ҝүндәмә ҝәтирилмәси ҹәһдләри гәбуледилмәздир”,- ХИН-ин рәсми сајтында дејилир.
Азәрбајҹан Республикасы Хариҹи ишләр назирлији АБШ Президентинин бу бәјанатынын, һазырда Түркијә вә Ермәнистан арасында мүнасибәтләрин нормаллашмасы мәгсәдилә апарылан данышыглара ујғун ҝәлмәдијини билдириб.
“1915-ҹи ил һадисәләри сијасәтчиләр дејил, тарихчиләр тәрәфиндән арашдырылмалыдыр. Тарихин сахталашдырылмасы ҹәһдләри вә онун сијаси тәзјиг мәгсәдилә истифадә едилмәси гәбуледилмәздир”, Азәрбајҹан Республикасы хариҹи ишләр назирлијинин бәјанатында дејилир.
342/
26 aprel 2022 - 12:32
Xəbər kodu: 1251969
Азәрбајҹан Республикасы Хариҹи Ишләр Назирлији АБШ президентинин “ермәни сојгырмы”-ны рәсмән танымасындан тәәссүф ифадә едәрәк бунун Түркијә вә Ермәнистан арасында мүнасибәтләрин нормаллашмасы мәгсәдилә апарылан данышыгларла ејни замана тәсадүф етмәсинә диггәт чәкиб.
