АБНА24 Хәбәр Верир , дүнән ахшам Русија Президенти Владимир Путинлә Ермәнистан баш назири Никол Пашинјан арасында Ново-Огоревода кечирилән ҝөрүшүн јекунлары илә бағлы бәјанат јајылыб.
Бәјанатда Путин вә Пашинјанын ики өлкә арасында һәрби вә һәрби-техники әмәкдашлығын јүксәк сәвијјәсини гејд етдикләри билдирилиб.
Мүхтәлиф сәвијјәләрдә икитәрәфли хариҹи сијасәт мәсләһәтләшмәләри практикасынын сәмәрәлилији тәсдигләниб. Русија-Ермәнистан парламентләрарасы интенсив диалогун давам етдирилмәси тәләби вурғуланыб.
Бундан әлавә, тәрәфләр Азәрбајҹан вә Ермәнистан арасында вә бүтөвлүкдә реҝионда мүнасибәтләрин нормаллашмасына көмәк етмәк мәгсәдилә Ермәнистан, Русија вә Азәрбајҹан арасында үчтәрәфли әмәкдашлығын активләшдирилмәси барәдә разылыға ҝәлибләр.
Пашинјан һәмчинин Путини КТМТ Коллектив Тәһлүкәсизлик Шурасынын 2022-ҹи илин икинҹи јарысында кечириләҹәк сессијасы илә бағлы Ирәвана сәфәрә дәвәт едиб.
Ҝөрүшдә Русија Президенти Владимир Путин вә Ермәнистан баш назири Никол Пашинјан бир сыра өлкәләр тәрәфиндән биртәрәфли санксијаларын тәтбиг олунмасындан нараһатлыг ифадә едибәр.
"Владимир Путин вә Никол Пашинјан ики өлкәнин әрзаг вә енержи тәһлүкәсизлији, лоҝостика вә диҝәр саһәләрдә санскијаларын сәбәб олдуғу чәтинликләрин өһдәсиндән бирликдә ҝәлмәк нијјәтләрини билдирибләр",- дејә ҝөрүшүн јекунларына даир бирҝә бәјәнатда гејд олунуб.
Ҝөрүшдә тәрәфләр һәмчинин Ҹәнуби Гафгазда "3+3" реҝионал әмәкдашлыг платформасынын уғурла фәалијјә башламасындан данышыблар.
Русија вә Ермәнистан насизмә гаршы бирҝә мүбаризә апармаг барәдә дә разылыға ҝәлиб.
Русија Президентинин Ермәнистан-Түркијә мүнасибәтләринин нормаллашмасы просесинә башланылмасыны алгышладығы дејилир.
342/
21 aprel 2022 - 11:45
Xəbər kodu: 1250208
Русија Президенти Владимир Путин вә Ермәнистан баш назири Никол Пашинјан Ермәнистан-Азәрбајҹан сәрһәдинин делимитасијасы үзрә икитәрәфли комиссијанын јарадылмасыны сүрәтләндирмәк барәдә разылыға ҝәлибләр.
