АБНА24 : Сәид Хәтибзадә бу ҝүн мәтбуат конфрансында дејиб: Иранын валјута еһтијатларынын бир һиссәсинин азад едилмәси барәдә разылашмалар әлдә олунуб. Бунун Америкаја дәхли јохдур вә она бу мәсәләјә мүдахилә иҹазәси вермәјәҹәјик.
Иран Хариҹи Ишләр Назирлијинин рәсми нүмајәндәси әлавә едиб: Иранын валјута еһтијатларынын азад едилмәси, әмтәә мал ихраҹатлары вә ҝөстәрилмиш хидмәтләрлә бағлыдыр вә үчүнҹү өлкәләрлә әлагәси јохдур. Америка һәр мәсәләјә гарышмаг истәјир ки, бу да онун иддиаларындан узагдыр.
Орду ҝүнүнү әзиз тутан Хәтибзадә Вјана данышыгларында галмыш мәсәләләр барәдә белә дејиб: Вјана данышыгларынын мөвзулары һамыја јахшы ајдын олуб. Бүтүн мәсәләләр барәдә разылашмајынҹа, һеч бир мәсәлә барәдә разылыға ҝәлмәјәҹәјик.
Иран Хариҹи Ишләр Назирлијинин мәтбуат катиби һәмчинин дејиб: Һәлә бәзи мәсәләләр галыр. Нүвә анлашмасында бир дәјишиклик олмајаҹаг. Јердә галан мәсәләләр баша чатанда дејә биләрик ки, анлашма әлчатандыр.
Хәтибзадә сионист режимин Мәсҹидүләгсада намазгыланлара гаршы һүҹуму барәдә исә белә сөјләјиб: Бир даһа сахта сионист режимин һөрмәтсизлији вә намазгыланлара гаршы һүҹумунун шаһиди олдуг. Өтән бир нечә һәфтә әрзиндә Фәләстин халгы чох сајда шәһид тәгдим етди. Бејнәлхалг тәшкилатларын сүкута далдыгларынын шаһидијик.
Иран Хариҹи Ишләр Назирлијинин рәсми нүмајәндәси даһа сонра дејиб: Иран Ислам Республикасы ислами әмәкдашлыглар вә бејнәлхалг тәшкилатлар сәвијјәсиндә аддымларыны атыб. Иранын хариҹи ишләр назири Һүсејн Әмир-Абдуллаһиан да Ислам Әмәкдашлығы Тәшкилатына бир мәктуб ҝөндәриб.
342/
19 aprel 2022 - 10:13
Xəbər kodu: 1249462
Иран Хариҹи Ишләр Назирлијинин рәсми нүмајәндәси вурғулајыб ки, Иранын валјута еһтијатларынын азад едилмәсинин Америкаја СәһәрАзәри-нин мәлуматына әсасән, дәхли јохдур.
