АБНА24 Хәбәр Верир ,Авропа Ислам Мәркәзләри Тәшкилаты өз бәјанатларында Исвечдә Гуранын јандырылмасыны писләјиб.
Бу тәшкилат вурғулајыб ки, Исвечдә бир груп ифрат сағчы фәалын мүгәддәс ајда Гурани-Кәримин нүсхәсини ҹырыб јандырмасы һадисәси илә бағлы ҝөрүлән ишләри бөјүк нараһатлыгла изләјир. О, бу һәрәкәти дүнјада мүсәлман киши вә гадынларын һиссләринә ачыг-ашкар тәһрикедиҹи һесаб едир.
Бәјанатда дејилир ки, бүтүн Гәрб өлкәләриндә бу екстремист групун һәрәкәтләри Гәрбдәки мүсәлманлары горхутмагдан, ҹәмијјәтин мүхтәлиф тәбәгәләри арасында нифаг салмагдан вә мүсәлманларын һиссләрини тәһрик етмәкдән башга бир иш дејил. Онлар Ислам мүгәддәсләринин, хүсусилә Гурани-Кәримин тәһгир едилмәсинә етираз едән ҝәнҹләрлә полис арасында тоггушмалара сәбәб олур.
Авропа Ислам Мәркәзләри Тәшкилаты бу мәгсәдјөнлү һәрәкәтләрлә бағлы вәтәндаш ҹәмијјәтинин, дини гурумларын вә Ислам һөкумәтләринин нараһатлығыны бөлүшдүјүнү вурғулајыр. Гураны јандырмагла, ҹырмагла вә ја карикатура кими дини символлары тәһгир етмәклә Ислам мүгәддәсләринә һүҹумун гаршысынын алынмасы вә ҹәзаландырылмасы үчүн ганунун нә вахт гәбул едиләҹәјини билмирик.
342/
18 aprel 2022 - 17:42
Xəbər kodu: 1249284
Авропа Ислам Мәркәзләри Тәшкилаты Исвечдә Гурани-Кәримин јандырылмасыны писләјән вә мүсәлманларын дини мүгәддәсләринә һөрмәт етмәјә чағыран бәјанат јајыб.
