Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Таҹикистан Президенти Имам Әли Рәһман Гырғызыстанла һәмсәрһәд Исфара шәһәринин рәһбәрлији вә фәаллары илә ҝөрүшүндә вурғулајыб: "Таҹикистан вә Гырғызыстан сәрһәд мәсәләләрини анҹаг данышыглар јолу илә һәлл едә биләр".
Президент гејд едиб ки, һөкумәт Гырғызыстанла дөвләт сәрһәдинин демаркасијасы илә бағлы данышыгларын тезликлә апарылмасында мараглыдыр.
"Сәрһәд-әрази мәсәләләринин һәлли, дөвләт сәрһәдинин координасијасы вә демаркасијасы чох мүрәккәб просесдир. Бу, мүтәхәссисләрдән чохлу вахт вә сәј тәләб едир. Таҹикистан гаршылыглы разылыг әлдә етмәк үчүн данышыгларын тәрәфдарыдыр”, - Рәһман билдириб.
Дөвләт башчысы хатырладыб ки, Таҹикистан тәрәфи 2002-ҹи илдән ики өлкә арасында сәрһәдин делимитасијасы вә демаркасијасы үзрә һөкумәтләрарасы комиссија чәрчивәсиндә Гырғызыстанла данышыглар апарыр.
Бундан әввәл апрелин 5-дән 10-дәк Дүшәнбәдә үмуми дөвләт сәрһәдинин делимитасијасы вә демаркасијасы үзрә Таҹикистан вә Гырғызыстан һөкумәт нүмајәндә һејәтләринин топографик ишчи групларынын нөвбәти ҝөрүшү кечирилиб.
Таҹикистанла Гырғызыстан арасындакы сәрһәдин узунлуғу 980 км-дир, Совет Иттифагынын дағылмасындан сонра орада мүбаһисәли һиссәләр галыб. Һазырда сәрһәдин делимитасијасы вә демаркасијасы просесиндә артыг 580 км-ә јахын јол тәсвир едилиб. Бәзи әразиләрдә вахташыры јерли сакинләр арасында мүбаһисәләр јараныр.
Диггәт: Хәбәрдән Истифадә Етдикдә Мәнбәјә Истинад Лазымдыр!
