АБНА24 Хәбәр Верир , Сәид Хәтибзадә дејиб: Иран Ислам Республикасы Исвечин Линкөпинг шәһәриндә данимаркалы екстремист вә расист бир үнсүр тәрәфиндән сөз азадлығы бәһанәси вә бу өлкә полисинин һимајәси илә Гурани-Мәҹидин јандырылмасыны кәскин тәрздә писләјир.
Иран Хариҹи Ишләр Назирлијинин рәсми нүмајәндәси мүбарәк рамазан ајында бу һөрмәтсиз һәрәкәтин гәсдән тәкрарланмасыны Исвечдә вә бүтүн дүнјада мүсәлманларын емосијаларыны позан амил адландырыб вә вурғулајыб: Сөз азадлығы илә тәзад тәшкил едән бу һөрмәтсиз һәрәкәт, нифрәтјајманын бариз нүмунәси кими, динләрарасы диалога вә динҹ јанашы јашама принсипинә инанан бүтүн инсанлар тәрәфиндән писләнилмәлидир.
Хәтибзадә вурғулајыб: Иран Ислам Республикасы вә диҝәр ислами өлкәләр, Исвечин, һөрмәтсиз һәрәкәтләрин амилләрилә рәфтарда тәҹили, кәскин вә ачыг реаксија ҝөстәрмәси вә бу кими һәрәкәтләрин тәкрарланмасынын гаршысынын алынмасы истигамәтиндә ајдын вә реал аддымлар атмасыны ҝөзләјирләр.
342/
17 aprel 2022 - 19:15
Xəbər kodu: 1248921
Иран Хариҹи Ишләр Назирлијинин рәсми нүмајәндәси Исвеч шәһәрләриндән бириндә Гурани-Кәримә гаршы һөрмәтсизлији писләјиб.
