АБНА24 Хәбәр Верир ,Сәид Хәтибзадә дејиб: "Сионистләрин мәзлум Фәләстин халгына гаршы төрәтдикләри ҹинајәтләр бу режимин ҝүнү-ҝүндән артан зәифлијининин сүбутудур вә режим зәифлијини өрт-басдыр етмәк үчүн бир сыра мүдафиәсиз намазгылана гаршы бош ҝүҹүнү нүмајиш етдирир".
Хәтибзадә әлавә едиб: "Бејнәлхалг һүгуг вә инсан һагларынын ачыг-ашкар позулмасы олан бу ҹинајәтләр ҝөстәрир ки, бәзи Ислам дөвләтләринин рәһбәрләринин сахта сионист режимлә мүнасибәтләри нормаллашдырмагда етдији хәјанәт бу ганичән вә бөһран јарадан режимин давранышыны дәјишмәјәҹәк; әксинә, Ислам вә әрәб өлкәләринин бәзи лидерләри Фәләстин амалларына арха чевирдикдән сонра режимин фәләстинлиләрә гаршы гәддар һәрәкәтләри артыб. Белә ки, бу апартеид вә иргчи режимин ҹиловсуз зоракылығынын шаһиди олуруг".
О, һөкумәтләри вә бејнәлхалг тәшкилатлары Фәләстин халгыны дәстәкләмәјә вә сионистләрин Фәләстиндә ҹинајәтләринин давам етмәсинә мане олмаға дәвәт едиб вә мүсәлман халглары Мәсҹидүл-Әгсаны дәстәкләмәјә чағырыб.
Сонда Хәтибзадә сионистләрин вә онун реҝионал вә бејнәлхалг мүттәфигләринин мүгәддәс Гүдс вә Фәләстиндәки тәдбирләрин нәтиҹәләринә ҝөрә мәсулијјәт дашыдығыны билдириб вә Ислам Әмәкдашлыг Тәшкилаты (ИӘТ) вә мүсәлман өлкәләрини Мәсҹидүл-Әгсаја дәстәк олмаг үчүн дәрһал конкрет реаксија ҝөстәрмәјә чағырыб.
342/
17 aprel 2022 - 19:09
Xəbər kodu: 1248913
Иранын Хариҹи Ишләр Назирлијинин сөзчүсү сионистләрин мүбарәк Рамазан ајында фәләстинлиләрин мүгәддәс мәланларына вә Мәсҹидүл-Әгсада намаз гылан вә оруҹ тутанлара гаршы рүсвајчы тәҹавүзүнү шиддәтлә писләјиб вә ишғалчыларын ишғал олунмуш Гүдс вә Фәләстиндәки вәһшилији вә террор актларынын давам етмәси илә бағлы хәбәрдарлыг едиб.
