АБНА24 Хәбәр Верир ,АБШ Дөвләт Департаментинин иллик һесабатында Азәрбајҹанда һәбсханаларда сәрт, бәзән исә һәјат үчүн тәһлүкәли сахланма шәраитләринә; өзбашына һәбсләрә; сијаси мәһбуслара диггәт чәкиб.
Азәрбајҹанда мүһүм инсан һүгуглары позунтуларыны - ҝүҹ гурумларынын әмәкдашлары тәрәфиндән ганунсуз вә өзбашына гәтлләрдән, ишҝәнҹәләрдән, ләјагәти алчалдан давранышдан өлкә һүдудларындан кәнарда инсанлара гаршы сијаси мотивли репрессијалара гәдәр позунтулары әкс етдирир бу барәдә Туран-ын Вашингтон мүхбири хәбәр вериб.
2021-ҹи или нәзәрдә тутан һесабатда сөз азадлығы вә КИВ саһәсиндә ҹидди мәһдудијјәтләр, о ҹүмләдән журналистләрә гаршы зоракылығы, бөһтанын криминаллашдырылмасы, һәмчинин журналистләрин шүбһәли иттиһамларла тәзјигә мәруз галмасы вә азадлыгдан мәһрум едилмәси; интернет азадлығында ҹидди мәһдудијјәтләр, о ҹүмләдән веб-сајтларын блокланмасы; динҹ топлашма һүгугунун фактики олараг гадаған едилмәси вә ассосисасија азадлығына ҹидди мүдахилә; јердәјишмә азадлығына мәһдудијјәтләр әксини тапыб.
АБШ Дөвәт Департаментинин һесабатынын Азәрбајҹан Республикасы илә бағлы һиссәсиндә әксини тапан диҝәр позунтулар сијаси һәјатда иштиракла бағлы ҹидди мәһдудијјәтләрдән; һөкумәтдә системли коррупсијадан; ҹинси мејлә ҝөрә полисин инсанлара гаршы амансызлығындан; ишчиләрин бирләшмәк азадлығынын ҹидди шәкилдә мәһдудлашдырылмасындан вә ушаг әмәјинин ән пис формаларынын мөвҹудлуғундан ибарәтдир.
342/
14 aprel 2022 - 10:21
Xəbər kodu: 1247875
АБШ Дөвләт Департаментинин чәршәнбә ахшамы јајдығы һесабатда Азәрбајҹан Республикасы игтидарыны инсан һагларыны кобуд шәкилдә позмагда иттиһам едиб.
