Азәрбајҹан халгы Исраилә рәғбәт бәсләјирми? - ШӘРҺ

АБНА24 Хәбәр Верир , мәктубда дејилир: "Өтән 30 илдә сијаси, игтисади, һәрби-техники, сәһијјә, мәдәни вә гаршылыглы мараг доғуран диҝәр саһәләрдә әмәкдашлығымыз јүксәлән хәтт үзрә инкишаф етмиш, достлуг әлагәләримиз даһа да мөһкәмләнмишдир. Бу ҝүн өлкәләримиз арасында әмәкдашлығын инкишафы вә әһатә даирәсинин ҝенишләнмәси үчүн јахшы имканлар вардыр. Инанырам ки, бир-биринә бөјүк рәғбәт бәсләјән халгларымызын рифаһы наминә мөвҹуд имканлардан јарарланараг бирҝә сәјләримизлә әнәнәви достлуг әлагәләримизин, сәмәрәли әмәкдашлығымызын даһа да дәринләшмәсинә наил ола биләрик."

Бу мәктуб Исраил президентинин мәктубуна ҹаваб олараг онун үнванына јазылыб. Исһаг Һерсог Илһам Әлијевә хитабән билдириб ки, Азәрбајҹанын Исраилдә сәфирлијинин ачылмасыны арзулајыр вә бу, ики тәрәф арасында сых, стратежи әлагәләрин гурулмасына јол ачаҹагдыр.

Гејд едәк ки, сионистләрин Азәрбајҹан Республикасына хәрчәнҝвари нүфузу, ону Ислам Дүнјасындан ајырмаг ҹәһдләри, өз кәшфијјат вә ҹасуслуг шәбәкәсини гурмаға чалышмасы, ејни илә дә Пегсус ҹасус програмы васитәсилә Азәрбајҹан вәтәндашлары вә журналистләрин телефон данышыгларыны динләмәси өлкә әһалисиндә сионист Исраилә олан дәрин нифрәтин әсас амилләри сырасындадыр. Онлар һәмчинин фитнәкар режимин Азәрбајҹан Республикасы әразисиндән Иран Ислам Республикасына гаршы тәхрибатларында бир полигон вә пласдарм кими истифадә едә биләҹәјиндән нараһатдырлар. Бу истигамәтдә Исраил режиминин Иран сәрһәдләриндә јахын әразидә, о ҹүмләдән дә ишғалдан азад едилмиш рајонларда бәрпа ишләриндә иштирак ады алтында гоншу өлкәјә гаршы зијанлы фәалијјәтләрлә мәшғул олдуғуну вә бунун Азәрбајҹана башағрысы ҝәтирә биләҹәјини истисна етмирләр. Она ҝөрә дә дөвләт башчысынын Азәрбајҹан халгында Исраилә һансы рәғбәтин олдуғуну билдирмәси мәлум дејил.

Сионистләрә ҝәлинҹә, онлар адәтән ријакар давранышлары вә Азәрбајҹаны дүнјада бирнөмрәли толерант өлкә адландырмагла бу мүсәлман өлкәсиндә сијаси, игтисади, һәрби вә тәһлүкәсизлик марагларыны тәмин етмәјә чалышырлар.

342/