АБНА24 Хәбәр Верир , Имран Хан ҹүмә ҝүнү ҹанлы телевизија чыхышында дејиб: "Америкалылар мүхалифәтин баш назирә гаршы етимадсызлыг тәклифи ирәли сүрәҹәјиндән ввәлҹәдән хәбәрдар идиләр вә һәтта онларын дипломатлары Исламабадда ҝизли шәкилдә парламентин үзвләри илә ҝөрүшүбләр".
Имран Хан Пакистан халгыны вә партијасынын тәрәфдарларыны онун тәбиринҹә хариҹдән ҝәтирилән һөкумәтә гаршы үмуммилли нүмајишләр кечирмәјә чағырыб вә билдириб ки, Пакистан халгы базар ҝүнү ҝеҹәси күчәләрә чыхыб динҹ нүмајиш кечирәҹәк.
О, Пакистан сәфиринин АБШ-да бу өлкәнин јүксәк рүтбәли дипломаты илә ҝөрүшүнә вә Америка тәрәфинин Пакистан вә онун һазыркы һөкумәтинә гаршы тәкәббүрлү мүнасибәтинә истинад едәрәк, дејиб: "Америкалылар Имран Ханын идарәолунмаз олдуғуну баша дүшдүләр. Һансы ки, АБШ-ын пилотсуз тәјјарәләринин Пакистана һүҹумларына, Ираг мүһарибәсинә вә Әфганыстандакы һуманитар бөһрана гаршы даим сәсини уҹалдан јеҝанә шәхс олмушам".
Пакистанын баш назири АБШ-ы Әфганыстандакы дағынтылар, динҹ әһалинин өлдүрүлмәси вә зәиф өлкәләрә гаршы тәҹавүздә ҝүнаһландырыб вә дејиб: Пакистан халгы гәрар вермәлидир ки, неҹә бир һөкумәт истәјир. мүстәгил јохса көлә?
О, әлавә едиб: "Пакистанын хариҹи сијасәти бүтүн өлкәләрлә бәрабәрһүгуглу достлуг вә бирҝә мараглара әсасланыр вә бу мүнасибәтләр гаршы тәрәфин биртәрәфли истәјиндән үстүн олаҹаг".
Бу арада; Пакистанын дахили ишләр назири Шејх Рәшид Әһмәд ҹүмә ҝүнү билдириб ки, Пакистанын Әдаләт Һәрәкаты гәтијјән тәслим олмајаҹаг. О, дејиб: "Дүнја ҝүҹләри бизи мүстәгиллијимиздән вә суверенлијимиздән мәһрум етмәклә өз ирадәләрини Пакистана тәтбиг етмәк истәјирләр, амма уғурсузлуға дүчар олаҹаглар".
Пакистан Али Мәһкәмәсинин парламентин Имран Хана гаршы етимадсызлыг тәклифини рәдд етмәк гәрарыны конститусијаја зидд һесаб етмәсиндән сонра дејиб: "Үч ај әрзиндә дәфәләрлә билдирилиб ки, нөвбәдән кәнар сечкиләрин кечирилмәси вә бүтүн инсанларын сәсинә ҝүвәнмәк Пакистандакы сијаси бөһранын јеҝанә һәлл јолудур".
342/
10 aprel 2022 - 12:17
Xəbər kodu: 1246680
Пакистанын баш назири һөкумәт вә парламентин бурахылмасынын ләғвинә даир Али Мәһкәмәнин јекун гәрарындан бир ҝүн сонра Вашингтонун Исламабадын мүстәгил хариҹисијасәти гаршысындакы тәкәббүрлү давранышыны гынајараг, дејиб: "Пакистан халгы гул дејил вә һеч вахт хариҹдән ҝәтирилән һөкумәти гәбул етмәјәҹәк".
