Бөлҝәдә ҝәрҝинлијин азалдылмасы ваҹибдир

АБНА24 Хәбәр Верир , БМТ Баш катибинин рәсми нүмајәндәси Стефан Дүжаррик бу һагда дејиб: "Гарабағда ҝәрҝинлијин артмасы илә бағлы хәбәрләр нараһатлыг доғурур, БМТ үчтәрәфли форматда, еләҹә дә АТӘТ-ин Минск Групу тәрәфиндән ҝәрҝинлијин азалдылмасы сәјләрини алгышлајыр."

О әлавә едиб ки, БМТ бүтүн тәрәфләри вәзијјәтин ҝәрҝинләшмәсинә сәбәб ола биләҹәк һәр һансы һәрәкәт вә бәјанатлардан чәкинмәјә, еләҹә дә бүтүн мәсәләләри бирбаша диалог јолу илә һәлл етмәјә чағырыр.

Хатырладаг ки, сон бир нечә ҝүн әрзиндә Азәрбајҹан Республикасы гүввәләринин русијалы сүлһмәрамлыларын нәзарәтиндә олан әразиләрдә ирәлиләмәси Гарабағ бөлҝәсиндә ҝәрҝинлијә сәбәб олуб.

Русија Мүдафиә Назирлији үчтәрәфли сазишин Азәрбајҹан Республикасы тәрәфиндән позулмасыны әсас ҝәтирәрәк јајдығы бәјанатда Азәрбајҹан ордусунун Русија сүлһмәрамлыларынын нәзарәтиндә олан әразиләрә һүҹум үчүн зиреһли техника вә пилотсуз учуш апаратларындан истифадә етдијини билдириб.

Бунунла әлагәдар Азәрбајҹан Республикасы Мүдафиә Назирлији Русија Мүдафиә Назирлијинә ҹаваб бәјанаты јајыб.

Бәјанатда дејилир: "Азәрбајҹан Республикасы Мүдафиә Назирлији тәәссүфлә билдирир ки, Русија Федерасијасы Мүдафиә Назирлијинин 2022-ҹи ил 27 март тарихли ачыгламасында әкс олунан мәгамлар һәгигәтә ујғун дејилдир. Азәрбајҹан Ордусунун өлкәнин суверен әразиләринин тәркиб һиссәси олан Фәррух кәнди вә әтраф јүксәкликләрдәки мөвгеләриндә һеч бир дәјишиклик баш вермәјиб. Азәрбајҹан Ордусунун бөлмәләринин һәмин мөвгеләрдән ҝери чәкилмәси һаггында мәлумат һәгигәти әкс етдирмир."

Һазырда бөлҝәдә јени ситуасијанын јаранмасы илә һадисәләрин һансы истигамәтдә инкишаф едәҹәји мәлум дејил. Чүнки Русија Мүдафиә Назирлији Азәрбајҹанын ҝери чәкилдијини билдирмәси Азәрбајҹан Мүдафиә Назирлијинин ачыгламасы илә зиддијјәт тәшкил едир. Русијанын Гарабағла бағлы планлары вә давранышы Азәрбајҹан тәрәфинин һәрәкәтә кечмәсиндә тәсирсиз дејил. Лакин бу мәсәләдә тәкҹә Русија дејил, АБШ вә Франса да ермәниләрин тәрәфиндәдирләр.

342/