АБНА24 Хәбәр Верир , Пентагон сөзчүсү Ҹон Кирби дејиб ки, АБШ вә мүттәфигләри Украјнаја һәрби јардымы давам етдирәҹәкләр.
О гејд едиб ки, сон 8 ил әрзиндә АБШ вә мүттәфигләри Украјна ордусуна әһәмијјәтли дәрәҹәдә јардымлар едиб: “Биз онларын тәһлүкәсизлик еһтијаҹларыны өдәмәк үчүн ҝәләҹәкдә дә бу ҹүр јардымлары давам етдирәҹәјик".
Охшар бәјанатла Британијанын баш назири Борис Ҹонсон да чыхыш едиб. О, Назирләр Кабинетинә билдириб ки, Владимир Путинин вәзијјәти даһа да писләшдирә биләҹәји сәбәбиндән Лондон Украјнаны даһа өлүмҹүл силаһларла тәмин етмәк истәјир.
Онун сөзләринә ҝөрә, Британија Украјнаја дәстәјин “јени мәрһәләсинә” кечир вә һөкумәт онун һансы һәрби техника илә тәмин едә биләҹәјини нәзәрдән кечирир.
Бу арада Русија Тәһлүкәсизлик Шурасынын катиби Николај Патрушев билдириб ки, Украјнаја демократијанын гајтарылмасы ваҹибдир. Әкс һалда өлкәни АБШ-ын мүстәмләкәси олмаг талеји ҝөзләјир.
Онун фикринҹә, һазырда Америка вә ја анти-Русија сијасәти илә разылашмамаг фикри, Гәрб инсаныны сәрт реаллыгла үзләшдирә биләр.
Русија Тәһлүкәсизлик Шурасынын катиби әлавә едиб ки, АБШ авропалылара Украјна биоложи лабораторијаларынын малијјәләшдирилмәси үчүн ајрылан вәсаитин әсл мәгсәдини изаһ етмәлидир.
"Русијаны күтләви гырғын силаһларындан истифадә едәрәк тәхрибатлар һазырламагда иттиһам едән Гәрб өзү бу тип планлар гурмагдадыр", - дејә Патрушев гејд едиб.
342/
31 mart 2022 - 17:26
Xəbər kodu: 1243501
АБШ һөкумәти Украјнаја силаһ тәдарүкүнү давам етдирәрәк Русијаны гыҹыгландырыр.
