АБНА24 Хәбәр Верир , Русија Президентинин сөзчүсү, Кремлин мәтбуат катиби Дмитри Песков М.Делјаҝинин ачыгламасынын рәсми Москванын сијаси хәттинә ујғун олмадығыны вурғулајыб.
“Бу ачыглама шәхси емосијалар мүстәвисиндә едилиб. Биз бу емосијалары ҹиловламаға вә хүсусилә тәрәфдашларымыза мүнасибәтдә бу ҹүр ифадәләрдән чәкинмәјә чағырырыг. Азәрбајҹан бизим үчүн тәрәфдаш дөвләтләр категоријасына дахилдир”, - дејә Д.Песков вурғулајыб.
Бу ҝүн Русија Хариҹи Ишләр Назирлији дә Делјагинин Азәрбајҹан бағлы ачыгламаларынын Москванын мөвгејинә ујғун олмадығыны билдириб.
Гејд едәк ки, Өтән ҝүн Русијнын “Россија 1” дөвләт телеканалында јајымланан “60 дәгигә” верилишиндә Русија Дөвләт Думасынын Игтисади сијасәт комитәсинин сәдр мүавини, депутат Михаил Делјагин Азәрбајҹан Республикасына гаршы чох сәрт фикирләр сәсләндириб.
О, Азәрбајҹаны “прокси-дөвләт” адландырыб вә Азәрбајҹанын нефт сәнајесини вурмағы тәклиф едиб.
“Азәрбајҹанлылар һәгигәтән атәшкәси позуб. Бизимкиләр билдирдиләр ки, Азәрбајҹан тутдуғу мөвгеләрдән ҝери чәкилиб. Лакин Азәрбајҹан рәсмән елан етди ки, һеч јерә чәкилмәјибләр. Бахын, АБШ-ын саттелитләри, индики һалда Түркијә тәрәфиндән һәјата кечирилән агрессија вә “Түркијәнин проксиси”, һансы ки, биз дөвләт адландырырыг (Азәрбајҹаны нәзәрдә тутур - ред.) бу ҝүн реал тәһлүкәдир. Әҝәр биз буна ҝөрә Азәрбајҹаны бирмәналы шәкилдә сәрт ҹәзаландырмасаг... Бизә Азәрбајҹанын нефт-газ сәнајеси нијә лазымдыр? Лазым дејил. Әҝәр инсанлар сөз баша дүшмүрсә, онда конкрет әмәллә баша салмаг лазымдыр.
342/
30 mart 2022 - 11:28
Xəbər kodu: 1243003
Кремл Русија Дөвләт Думасынын депутаты Михаил Делјаҝинин Азәрбајҹаны тәһгир етмәси вә һәдәләмәси илә бағлы ачыгламасына мүнасибәт билдириб.
