АБНА24 Хәбәр Верир , Ермәнистан Тәһлүкәсизлик Шурасы Азәрбајҹаны "һәртәрәфли сүлһ мүгавиләси үзрә данышыглара дәрһал башламаға" дәвәт едиб.
Ејни заманда Јереван Бакыны Гарабағда етник тәмизләмә апармагда иттиһам вә бејнәлхалг иҹтимаијјәти бунун гаршысыны алмаға чағырды.
Бу бәјанатла бир вахтда АТӘТ-ин Минск групунун русијалы һәмсәдри Игор Ховајев Ирәванда Ермәнистанын хариҹи ишләр назири Арарат Мирзојан илә Гарабағдакы вәзијјәти мүзакирә едиб. Ҝөрүшдә АТӘТ-ин Минск Групунун һимајәси алтында Азәрбајҹанла сүлһ данышыгларынын апарылмасынын зәрурилији мүзакирә олунуб.
Азәрбајҹан Республикасы Хариҹи Ишләр Назирлијинин мәтбуат хидмәти исә бу ҝүн бир бәјанатда Ермәнистан Тәһлүкәсизлик Шурасынын һәртәрәфли сүлһ мүгавиләси үзрә данышыглара чағырмасы илә бағлы дүнәнки ачыгламасына мүнасибәт билдириб.
Азәрбајҹан Республикасы ХИН Ермәнистанла сүлһ сазишинин имзаланмасы тәклифини һәлә бир ил өнҹә ирәли сүрдүјүнү јада салыб: “Әҝәр Ермәнистан тәрәфи сүлһ сазиши мәсәләсини нөвбәти иҹтимаи мәлуматландырма аксијасы кими дејил, ҹидди аддым кими нәзәрдән кечирирсә, о заман конкрет аддымлара кечмәк заманыдыр. Бир даһа гејд етмәк истәрдик ки, Азәрбајҹан өз тәрәфиндән буна һазырдыр”, - Азәрбајҹан Республикасы ХИН-ин бәјанатында дејилир.
342/
30 mart 2022 - 11:27
Xəbər kodu: 1243002
Дүнән Ермәнистан Тәһлүкәсизлик Шурасы Гарабағ әтрафындакы вәзијјәти мүзакирә едиб. Бу барәдә Ермәнистан һөкумәтинин мәтбуат хидмәти мәлумат јајыб.Ҝөрүш заманы Гарабағдакы вәзијјәт сон дәрәҹә ҝәрҝин олараг гијмәтләндирилиб.
