АБНА24 Хәбәр Верир , 30 ил мүддәтиндә 1 милјон азәрбајҹанлынын илкин мәишәт имканларындан мәһрум олмасына бир дәфә дә олсун мүнасибәт билдирмәјән Америка Бирләшмиш Штатлары Ханкәндиндәки ермәниләрин газсыз галмасындан нараһат олдуғуну дәрһал дилә ҝәтириб: "АБШ газ тәҹһизатындакы фасиләләрдән вә Азәрбајҹан гошунларынын јердәјишмәсиндән чох нараһатдыр", - Дөвләт Департаментинин Авропа вә Аврасија үзрә бөлмәсинин Твиттердәки мәлуматында дејилир.
Бундан өнҹә дөвләт катибинин көмәкчиси Карен Донфрид Ермәнистан вә Азәрбајҹанын хариҹи ишләр назирләри Арарат Мирзојан вә Ҹејһун Бајрамовла сөһбәт едиб.
Дөвләт Департаменти зәнҝләри "ваҹиб" кими характеризә едиб. Башга тәфәррүатлар ачыгланмајыб.
Сон ҝүнләр мәтбуатда, сосиал шәбәкәләрдә Ханкәндинә тәбии газын верилмәсиндә јаранан фасиләләрин нә дәрәҹәдә доғру олмасы илә бағлы Азәригаз ИБ-нин Иҹтимаијјәтлә әлагәләр шөбәсинин рәиси Елдәниз Вәлијев “Ачыг гапы” аксијасы чәрчивәсиндә медиа нүмајәндәләри илә кечирилән ҝөрүш заманы билдириб ки, бүтүн бөлҝәләрдә олдуғу кими бу бөлҝәнин дә тәбии газла тәмин олунмасы ваҹибдир.
О, 30 ил әрзиндә ермәниләрин газ тәсәррүфатына вурдуглары ҹидди зијаны гыса мүддәт әрзиндә бәрпа етмәјин гејри-мүмкүн олдуғуну гејд едиб. О әразидә инфраструктур бәрбад вәзијјәтдәдир вә Азәригаз ИБ олараг һәмин вәзијјәтин нормаллашмасы истигамәтиндә аддымлар атылыр. Ермәниләрин дүнја иҹтимаијјәтини бу мәсәлә јөнәлтмәсиндә мәкирли сәбәбләрин олдуғуну КИВ нүмајәндәләринин диггәтинә чатдырыб.
342/
26 mart 2022 - 10:11
Xəbər kodu: 1242486
Ҹүмә ахшамы Вашингтон Ермәнистанла Азәрбајҹаны Гарабағда вәзијјәтин дәрһал деескаласијасы үчүн бирбаша каналлардан истифадә етмәјә чағырыб.
