АБНА24 Хәбәр Верир , бу ҝүн сәһәр Русијанын Полшадакы сәфири Серҝеј Андрејев мәсәлә илә әлагәдар тәҹили сурәтдә Полша Хариҹи Ишләр Назирлијинә (ХИН) чағырылыб. Сәфирин Полша мүлки гејдијјат идарәсинин әмәкдашынын Русија кәшфијјат хидмәти илә әмәкдашлыгда иттиһам едиләрәк сахланылмасы барәсиндә һөкумәтин ачыгламасындан бир нечә саат сонра ХИН-ә чағырылыдығы вурғуланыб.
Полша дахили тәһлүкәсизлик идарәсинин рәсмиси Станислав Зарин Русијанын кәшфијјат даирәләри илә әмәкдашлыгда иттиһам едилән 45 дипоматын адынын јер алдығы сијаһынын һазырландығыны тәсдигләјиб. Сијаһыда Русијанын Варшавадакы сәфирлијинин дипоматларынын, еләҹә дә онларын һәјат јолдашларынын адларынын олдуғу билдирилиб.
Билдирилиб ки, һәмин шәхсләр Вјана Конвенсијасына зидд олараг һәссас мәлуматлар топламагла, еләҹә дә Полша вәтәндашларыны Русија Федерасијасынын хејринә әмәкдашлыға ҹәлб етмәклә ҹасуслуг фәалијјәти илә мәшғул олублар.
Гејд едәк ки, бундан әввәл Болгарыстан, Латвија, Литва вә Естонија да рус дипломатларыны “арзуолунмаз шәхс” елан едиб вә өлкәдән чыхарыблар.
Русија президентинин мәтбуат катиби Дмитри Песков исә бу мәлумата мүнасибәт билдирәрк дејиб: "Кремл Русија дипломатларынын Полшадан мүмкүн говулмасы илә бағлы хәбәрләри ҝөрүб вә ешидиб, әҝәр онлар доғрудурса, бу һәрәкәтләр ҹавабсыз галмајаҹаг".
342/
24 mart 2022 - 13:38
Xəbər kodu: 1241892
Полша Русијанын 40-дәк дипломатыны ҹасуслуг иттиһамы илә өлкәдән чыхарыр. Бу барәдә Полшанын “Онет.пл” интернет сајты һөкумәтдәки мәнбәләринә истинадән мәлумат јајыб.
