АБНА24 Хәбәр Верир , Русија Федерасијасы Тәһлүкәсизлик Шурасынын сәдр мүавини Дмитри Медведев өз Телеҝрам каналында јазыб: "Сон 30 илдә АБШ-ын примитив ојунунун мәгсәди Русијаны дүшмән кими ҝөстәрмәк иди, даһа сонра нөвбә Чинә ҝәләҹәк, бу исә ағыр бөһрана вә нүвә партлајышына сәбәб олаҹаг".
"Сон отуз ил әрзиндә Русија АБШ-ын примитив ојунунун һәдәфи олуб. Бунун бир изаһы вар - о, дүшмәндир. Даһа принсипиал идеоложи зиддијјәтләр олмаса белә, ССРИ-нин башга һансы варисләри вар? Бу о демәкдир ки, Русија алчалдылмалы, мәһдудлашдырылмалы, сарсылмалы, парчаланмалы вә мәһв едилмәлидир. Јахын ҝәләҹәкдә Авропада вә бүтөвлүкдә дүнјада бунун реаксијасы неҹә олаҹаг? Ваҹиб дејил. Һеч ким бу барәдә һеч вахт дүшүнмәјиб" - дејә о гејд едиб.
Медведев Американын гаршыдурманын бу раундунда уғур газанаҹағы тәгдирдә вәзијјәти тәсәввүр етмәјә чағырыб. “Нәтиҹә будур: гејри-сабит сијаси режимә, зәиф рәһбәрлијә, чөкмүш игтисадијјата, АБШ вә Авропадакы һәдәфләрә јөнәлмиш максимум сајда нүвә башлыгларына малик ән бөјүк нүвә дөвләти”, - дејә Дмитри Медведев билдириб.
Медведевин фикринҹә, АБШ-ын нөвбәти мәгсәди Чинин тамамилә зәифләдилмәси олаҹаг: "Бундан сонра ҹидди глобал бөһрана, енержи вә әрзаг тәнәззүлүнә, бүтүн коллектив тәһлүкәсизлик системләринин сырадан чыхмасына вә бөјүк нүвә партлајышына гәдәр ҹәми бир нечә аддым галыб”, - дејә Русија Тәһлүкәсизлик Шурасынын сәдр мүавини әлавә едиб.
342/
24 mart 2022 - 13:38
Xəbər kodu: 1241891
Русија Федерасијасы Тәһлүкәсизлик Шурасынын сәдр мүавини АБШ-ын Русија вә Чинә гаршы планларынын бејнәлхалг иҹтимаијјәт үчүн төрәдә биләҹәји фәсадлара тохунуб.
