Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, НАТО сүлһмәрамлыларынын мејдана чыхмасы Русија Федерасијасы илә бирбаша тоггушмаја сәбәб олаҹаг.
Буну Русијанын хариҹи ишләр назири Сергеј Лавров Москва Дөвләт Бејнәлхалг Мүнасибәтләр Институтунда чыхышы заманы дејиб.
Хариҹи ишләр назири полшалы һәмкарларынын НАТО сүлһмәрамлыларынын Украјнаја ҝөндәрилмәсинин зәрурилији илә бағлы бәјанатларына диггәт чәкиб.
“Үмид едирәм ки, онлар нәдән данышдыгларыны баша дүшүрләр. Бу, Русија вә НАТО силаһлы гүввәләри арасында бирбаша тоггушмаја сәбәб олаҹаг, һансы ки, һамы нәинки бундан гачмаг истәјирди, һәм дә бунун баш вермәмәли олдуғуну бәјан едирди”, - дејә Лавров билдириб.
Онун фикринҹә, Украјна президенти Володимир Зеленски дә буна чалышыр вә Авропа өлкәләринин парламентләриндә чыхышында емосијаларынын она көмәк олаҹағына үмид едир.
Лавров Украјнаны Русијанын мүстәгиллијини боғмаг үчүн аләт адландырыб.
Бунунла белә ХИН рәһбәри гејд едиб ки, Москва Гәрбин васитәчи ролу ојнамасына гаршы дејил.
“Анҹаг бизим узун илләрдир данышдығымыз тамамилә ајдын “гырмызы хәт”ләримиз вар”, - дејә Лавров вурғулајыб.
Назир һәмчинин гејд едиб ки, Русијаја Украјна илә “дәмир” сазишләр лазымдыр ки, һеч ким онлары позмаға ҹәһд етмәсин.
Диггәт: Хәбәрдән Истифадә Етдикдә Мәнбәјә Истинад Лазымдыр!
