АБНА24 Хәбәр Верир , Илһам Әлијевин АБШ Президенти Ҹозеф Бајденә ҝөндәрдији мәктубда дејилир: “Азәрбајҹанын тарихи торпагларынын ишғалдан азад едилмәси илә Ермәнистанын Азәрбајҹана гаршы отуз илә јахын давам едән һәрби тәҹавүзүнә сон гојулмуш вә өлкәмиз 30 илә јахын мүддәт әрзиндә иҹра едилмәмиш вәзијјәтдә галмыш БМТ Тәһлүкәсизлик Шурасынын мүвафиг гәтнамәләрини өзү иҹра етмишдир. Биз сүлһүн тәрәфдары олараг өлкәмизин әрази бүтөвлүјү, суверенлији вә бејнәлхалг сәвијјәдә танынмыш сәрһәдләринин тохунулмазлығы кими бејнәлхалг һүгугун фундаментал база принсипләри әсасында Ермәнистанла сүлһ сазиши үзрә данышыглара башламаға һазырыг. Ҝәләҹәјә көкләнмиш бахыш әсасында АБШ-ын Азәрбајҹанын сүлһ ҝүндәлијини дәстәкләјәҹәјинә үмидварыг.”
Ишғалдан азад едилмиш торпагларымызда постмүнагишә дөврүндә бәрпа вә јенидәнгурма ишләри һәјата кечирилир. Биз АБШ-дан олан ширкәтләрин дә бу просесдә иштиракыны ҝөрмәкдән мәмнун олардыг.
Хатырладаг ки, рәсми Бакынын Гарабағ мәсәләсиндә сәрҝиләдији мөвге АБШ-Ы гане етмир вә бу өлкә рәһбәрлији АТӘТ Минск Групунун нәзарәти алтында “узунмүддәтли сијаси һәлл јолу”нун тапылмасы үчүн Азәрбајҹана тәзјиг ҝөстәрир. Башлыҹа мәгсәд исә Гарабаға јени статусун верилмәсидир. Лакин Азәрбајҹан һөкумәти һеч бир сәвијјәдә сепаратчылара статус вермәк истәмәдијни вурғулајыр.
АБШ-ын Украјна мүһарибәси илә әлагәдар Азәрбајҹандан олан бир ҝөзләнтиси дә ондан ибарәтдир ки, бу дөвләт Русијаја гаршы санксијаларда иштирак етсин вә Авропаја нефт вә газ тәдарүкүнү артырсын. Амма бу мәсәләләрин дә һәлли асан дејил. Чүнки Әлијев илә Путинин арасында 22 февралда имзаланмыш мәлум сазишә әсасән Азәрбајҹан дөвләти ағыр өһдәликләр ҝөтүрүбдүр вә онлара зиддд һансыса аддымын атылмасы Әлијев һөкумәтинә башағрысы ҝәтирәр, өлкәсини Русија лидеринин гәзәбинә дүчар едәр.
342/
23 mart 2022 - 08:21
Xəbər kodu: 1241733
Азәрбајҹан президенти Новруз бајрамы мүнасибәтилә америкалы һәмкарындан алдығы мәктуба ҹаваб јазыб.
