АБНА24 Хәбәр Верир , назирлијин мәлуматында дејилир ки, Русијанын даһа 1 тәјјарәси, 6 ПУА-сы, 2 һеликоптери, 14 танкынын мәһв едилиб.
Назирликдән һәмчинин билдирилиб ки, сон сутка әрзиндә мүдафиә гүввәләринин мөвгејиндә вә һәрәкәтләринин характериндә ҹидди дәјишиклик олмајыб.
“Буна бахмајараг, гошунларымыз руслара зәрбә ендирмәкдә давам едиб вә мүәјјән әразиләрдә уғур газаныб. Сон 24 саатда гаршы тәрәфин 1 тәјјарәси, 6 ПУА-сы, 2 һеликоптери, 14 танкы, 8 пијада дөјүш машыны, 3 артиллерија системи, 300-ә јахын ҹанлы гүввәси мәһв едилиб. Һәмчинин Һәрби Һава Гүввәләримиз гаршы тәрәфин шәхси һејәтинә вә техникасына сарсыдыҹы зәрбәләр вуруб. Сон суткада рус тәјјарәләринин даһа фәал һәрәкәти мүшаһидә олунур”, - дејә рәсми мәлуматда вурғуланыб.
Мүдафиә Назирлијиндән гејд олунуб ки, Украјна әразисиндәки Русија гошунларынын тәминаты о гәдәр дә јахшы дејил: “Руслар Беларус Силаһлы Гүввәләрини мүһарибәјә ҹәлб етмәкдән өтрү агрессив тәблиғаты давам етдирирләр. Сумы вилајәтинин Охтырка рајонунда рус һәрбчиләринин итаәтсизлик фактлары гејдә алыныб. 300-ә јахын рус һәрбчиси командирләринин тапшырыгларыны јеринә јетирмәкдән имтина едиб. Онлар 70 техника илә әмәлијјат зонасыны тәрк едибләр. Руслар Донетск вә Луганск истигамәтләриндә ирәлиләмәк вә мөһкәмләнмәк ҹәһдләрини давам етдирир. Лакин бу сәјләр нәтиҹәсиз галыр”.
Украјна мәнбәләринин диҝәр бир мәлуматына ҝөрә Кијев вилајәтинин Макаров шәһәри дә ишғалчылардан там азад едилиб.
Бундан әлавә, Николајев истигамәтиндә дә Украјна Силаһлы Гүввәләри әкс-һүҹума кечәрәк руслары ҝери чәкилмәјә мәҹбур едиб.
Бу арада Кијевин атәшә тутулмасы нәтиҹәсиндә 65 вәтәндаш һәлак олуб, 300-ә јахын инсан јараланыб.
Кијев мери Витали Кличко дејиб ки, ишғалчылар бир нечә ҝүн әрзиндә Кијеви әлә кечирмәји планлашдырыблар, буна наил ола билмәјибләр, буна ҝөрә дә ҝүҹсүзлүкдән динҹ сакинләрин евләрини бомбаламаға башлајыблар.
342/
23 mart 2022 - 08:15
Xəbər kodu: 1241719
Украјнанын Мүдафиә Назирлији ҹәбһә бөлҝәсиндәки сон дурумла бағлы оператив информасија јајыб.
