АБНА24 Хәбәр Верир , Һәзрәт Ајәтуллаһулузма Хаменеи бу чыхышын бир һиссәсиндә дүнјада баш верәнләрә ишарә илә бујурублар: Инсан дүнјанын ҹари һадисәләринә нәзәр саларкән Иран халгынын дүнја империализми илә мүбаризәдәки һаглылығы вә садиглијини һәмишәкиндән даһа ајдын шәкилдә ҝөрүр. Халгымызын дүнја империализми илә мүбаризә јолуну сечмәси тәслим дејил, мүгавимәт,/ гурулуш вә өлкәнин дахилдән ҝүҹләндирилмәси вә истиглалијијәтин горунмасы олуб вә бу, дүзҝүн һәрәкәт олубдур.
Һәзрәт Ајәтуллаһулузма Хаменеи Әфганыстанын ишғалдан алдығы хәсарәтә ишарә илә дејибләр: Әфганыстан һадисәләринә нәзәр салын. 20 ил бу мәзлум вә мүсәлман өлкәдә нәләр етдиләр вә сонра да неҹә чыхыб ҝетдиләр! Бу халгын әмлакыны да өзләрилә апардылар.
Украјна һадисәләринә тохунан Ислам Ингилабынын Бөјүк Рәһбәри билдирибләр: Украјнада да гәрблиләрин һимајәсилә һакимијјәтә ҝәлән бу өлкәнин президенти гәрблиләрлә неҹә сәрт ифадә тәрзи илә данышыр.
Ингилаб Рәһбәри Әрәбистандакы сон едамлары да дүнјада зүлм вә зүлмәтин бир һиссәси адландырыб вә белә гејд едибләр: Сәксән нәфәр ҝәнҹин вә һәтта јенијетмәнин бојнунун вурулдуғу Әрәбистанда баш верән бу һадисәләр ҝөстәрир ки, дүнјаја неҹә зүлм вә зүлмәт һаким кәсилиб вә дүнја һансы ганичән ҹанаварларын әлиндәдир.
Һәзрәт Ајәтуллаһулузма Хаменеи инсан һүгугларынын мүдафиәчиләри иддиасында олан гәрблиләрин Украјна һадисәләриндәки ачыг-ашкар расизминә дә ишарә едибләр: Украјнада Гәрбин иргчилик сәһнәсини һамы ҝөрүр; гарадәрилини дүшүрмәк үчүн гатары сахлајырлар вә онларын медиалары ачыг шәкилдә тәәссүф едирләр ки, нә үчүн бу дәфә мүһарибә Асијанын гәрбиндә баш вермәјиб! Иргчилик,/ ифадә етдикләри бу әјаниликдә өзүнү ҝөстәрир. Ејни заманда, бир белә зүлм вә зүлмәт јаратмагла инсан һүгуглары иддиасы илә дә чыхыш едирләр. Бу иддиа илә мүстәгил өлкәләрдән баҹ тәләб едирләр вә дүнја халглары бу сәһнәни ҝөрүрләр.
342/
22 mart 2022 - 07:19
Xəbər kodu: 1241419
Ислам Ингилабынын Бөјүк Рәһбәри бу ҝүн, 1401-ҹи ҝүнәш или фәрвәрдин ајынын бириндә, јени илин илк ҝүнүндә ахшамчағы Иран Ислам Республикасы телевизијасындан ҹанлы шәкилдә јајымланан халга вә рәсмиләрә үнванланмыш чыхышында дахили вә хариҹи мәсәләләр барәдә мүһүм мәгамлара ишарә едибләр.
