АБНА24 Хәбәр Верир , Азәрбајҹан Республикасы Мәтбуат Шурасынын сәдри Әфлатун Амашов рус дилли "һаггин.аз" вә "минвал.аз" сајтына Русијада мәһдудијјәтләрин тәтбиг олундуғуну билдирәрәк сијаһынын даһа да ҝенишләнә биләҹәјини дејиб.
Мәтбуат Шурасынын сәдри Русија дөвләтини дөзүмсүзлүкдә иттиһам едәрәк дејиб: “Објектив јанашма, һәгигәтләри јазмаға дөзмәк белә чәтиндир? Ахы Русија мүстәгил Украјнанын әразисинә гошун јеридиб. Бунун архасында һансы глобал сијаси мәгамлар вар, бу, башга мәсәлә. Факт будур ки, ортада ишғал вар вә бизим медиа органларымызын мәһз бу данылмаз реаллыға сөјкәнмәси мәгбулдур”.
Амашов 44 ҝүнлүк мүһарибә дөнәминдә Русијанын әксәр КИВ-ләринин анти-Азәрбајҹан фәалијјәтини вә Азәрбајҹан тәрәфинин шикајәтләринә етина етмәдијини хатырладыб: “Онлар елә тәәссүрат јарадырдылар ки, санки илләрдир ишғала мәруз галан Азәрбајҹан јох, Ермәнистандыр.”- дејә Әфлатун Амашов билдириб.
Мәтбуат Шурасынын сәдри Азәрбајҹан КИВ-ләри хүсусијлә "һаггин.аз" сајтынын Русија-Украјна мүһарибәсини ишыгландырма тәрзини мүдафиә едәрәк дејиб: Инди Русијанын блоклама гәрары сөз вә ифадә азадлығына сајгысызлыгдыр. Әлаһәзрәт һагг вә әдаләт вар. Азәрбајҹан КИВ-ләри она садигдир. Бу садиглик ејни заманда бејнәлхалг һүгугун принсипләринә, бәшәри принсипләрә дәјәрдир”,- Әфлатун Амашов дејиб.
342/
22 mart 2022 - 07:19
Xəbər kodu: 1241418
“Русија тәрәфиндән Азәрбајҹанын күтләви информасија васитәләри блокланыр. Јәни онларын Русија әразисиндәки јајымына мәһдудијјәт гојулур. Буну Мәтбуат Шурасынын сәдри Әфлатун Амашов сосиал шәбәкәдәки шәхси сәһифәсиндә јазыб.
