АБНА24 Хәбәр Верир , Әлијевин Новруз тәбрикиндә дејилир: Гәдим көкләрә малик Новруз бајрамы Азәрбајҹан халгынын мәдәни сәрвәтләр хәзинәсиндә лајигли јер тутур. Бу бајрам али дәјәрләрин дашыјыҹысына чевриләрәк инсанлары ваһид мәнәвијјат әтрафында даим бир-биринә јахынлашдырмышдыр.
Дөвләт башчысынын тәбрик мүраҹиәтиндә һәмчинин гејд олунур: "Глобаллашма далғасынын вүсәтли дөврүндә Новруз әнәнәләринин мүгәддәс әрмәған кими уҹа тутулмасы вә бүтүн рәнҝарәнҝлији илә јашадылмасы чохәсрлик мәдәни ирсимизә еһтирамымызын ифадәсидир. Вәтәнимизин әрази бүтөвлүјү наминә ҹанларындан кечмиш иҝид өвладларымызын хатирәсини бу бајрам ҝүнләриндә миннәтдарлыгла јад едир, өлкәнин мүдафиәсиндә мәтинликлә дајанан Азәрбајҹан әсҝәринә тәбрикләрими јетирирәм. Инанырам ки, һәр биримиз јаз фәслинин јениләшдириҹи аб-һавасы илә һәмаһәнҝ руһ јүксәклији вә һәмрәјлик шәраитиндә гуруб-јаратмаг әзмини нүмајиш етдирәҹәјик."
Гејд едәк ки, бу ҝүн, мартын 20-дә Иран сивилизасијасынын јајылдығы өлкәләрдә о ҹүмләдән Азәрбајҹанда јаз фәслинин ҝәлишини өзүндә символизә едән ел шәнликләри кечирилир
Иран, Әфганыстан, Таҹикистан, Өзбәкистан вә бәзи башга шәрг халглары илә јанашы, Азәрбајҹан халгы да баһарын - јени илин ҝәлишини шәнликләрлә гаршылајырлар.
2009-ҹу ил сентјабрын 30-да Новруз УНЕСҸО тәрәфиндән гејри-мадди мәдәни ирс сијаһысына дахил едилиб.
БМТ исә 2010-ҹу илдә 21 марты “Бејнәлхалг Новруз Ҝүнү” елан едиб.
Бу ил јаз фәсли Азәрбајҹана мартын 20-дә Бакы вахты илә саат 19:33-дә дахил олаҹаг.Новруз бајрамы илә әлагәдар өлкәдә 9 ҝүн ардыҹыл иш олмајаҹаг
342/
21 mart 2022 - 09:11
Xəbər kodu: 1241197
Азәрбајҹан Республикасынын президенти Новруз тәбрикиндә бу бајрамын али дәјәрләрин дашыјыҹысына чеврилдијини вурғулајыб.
