АБНА24 Хәбәр Верир , Русија Мүдафиә Назирлијинин рәсми нүмајәндәси ҝенерал-мајор Игор Конашенков дејиб ки, мүһарибәнин башладығы ҝүндән индијә гәдәр Украјнанын 207 ПУА-сы, 1467 танкы вә диҝәр зиреһли машыны, 148 реактив јајлым атәш системи, 573 артиллерија вә минаатаны, 1262 хүсуси һәрби автомобил техникасы мәһв едилиб.
РФ МН-нин рәсми нүмајәндәси һәмчинин билдириб: "Русија һәрбчиләри Хәзәр дәнизиндән “Калибр” ганадлы ракетләри вә Крым һава мәканындан “Кинжал” һиперсәсли ракетләри илә Украјнанын Николајев вилајәтиндә ири јанаҹаг-сүрткү материаллары анбарына зәрбә ендириб.
Мүдафиә Назирлијинин сөзчүсү ону да гејд едиб ки, Украјна хүсуси әмәлијјат гүввәләринин тәлим мәркәзинә ендирилән дәгиг зәрбә нәтиҹәсиндә 100-дән чох украјналы һәрбчи вә әҹнәби муздлу өлүб.
Бундан башга Украјна ордусу Донетск сепаратчылары илә өтән ҝүн баш верән һәрби тоггушмаларда 70 һәрбчисини, о ҹүмләдән техникасыны итириб.
Гондарма Донетск Халг Республикасы полисинин билдирдијинә ҝөрә, сон суткада јараглылар 70-дән чох милләтчини, о ҹүмләдән 3 танк, 5 ПДМ, 4 зиреһли машын, артиллерија сурсат анбары вә дүшмәнин 50 атәш нөгтәсини мәһв едибләр.
Ән сон мәлумата ҝөрә, Русија ордусу Украјнанын Мариупол шәһәриндә ичәрисиндә 400-ә јахын динҹ сакин олан инҹәсәнәт мәктәбинә бомба атыб.
Сакинләр Русија бомбардманына ҝөрә мәктәбдә ҝизләнибмиш. Мәктәбдәки 400-ә јахын динҹ украјналынын чоху ушаг, гадын вә јашлы олуб. Бомбардман нәтиҹәсиндә бина учуб. Дағынтылар алтында һәлә динҹ сакинләрин галдығы билдирилиб. Хәсарәт аланларын сајы дәгигләшдирилир.
Бундан әввәл мартын 16-да да Русија гырыҹылары Мариуполда динҹ сакинләрин сығындыглары драм театрынын бинасыны бомбалајыб. Орада јүзләрлә динҹ сакинин олдуғу билдирилиб.
342/
21 mart 2022 - 09:05
Xəbər kodu: 1241189
Мүһарибәнин 25-ҹи ҝүнүндә Русија МН Украјна ордусунун иткиләри һагда мәлуматы јениләјиб.
