АБНА24 Хәбәр Верир , Араз Ағаларов “Комсомолкаја правда” гәзетинә вердији мүсаһибәдә күлли мигдарда борҹунун олдуғуну билдириб.
“Мәним 120 милјард борҹум вар. Рублла. Һазырда һеч бир газанҹ да јохдур. Инди үч әсас шејә еһтијаҹ вар. Мүәссисәләрин хәрҹ һиссәсинин сыфыра ендирилмәси, алты ајлыг верҝи тәтили вә борҹлар, ҝөмрүк рүсумлары үчүн мөһләт”, - дејә милјардер вәзијјәтдән чыхыш јолларыны ҝөстәриб.
Иш адамы Русијаја гаршы санксијалардан долајы өлкәдә јаранмыш чәтин игтисади шәраитдән шикајәтләнәрәк гејд едиб ки, бу ҝүн долларын мәзәннәси илә бағлы аргументләр вермәк мәнасыздыр. Инди садәҹә олараг, өлкә дахилиндә иш јерләрини хилас етмәк лазымдыр. Чүнки бүтүн тәдарүк зәнҹирләри позулуб, һәтта јерли тәҹһизатчылар истеһсал етдикләрини вахтында чатдыра билмирләр. Белә ки, јерли мәһсулларын да бир һиссәси хариҹдән ҝәтирилән компонентә маликдир.
Ағаларов әлавә едиб ки, тәкҹә дашынмаз әмлак дејил, бүтүн активләр һәр заманкындан даһа уҹуздур. Бахмајараг ки, инди нәјинсә гијмәтини мүәјјән етмәк чәтиндир. Биржа бағлыдыр, һеч нә сатылмыр вә алынмыр.
О, белә бир тәклиф ирәли сүрүб ки, санксијаларла әлагәдар Авропа вә Америкадан ҝәлән мәһсуллар Түркијә вә Ҹәнуб-Шәрги Асија маллары илә әвәз едилсин.
Јери ҝәлмишкән билдирәк ки, Араз Ағаларов Азәрбајҹан Республикасынын президенти Илһам Әлијевин кечмиш гудасыдыр.
342/
20 mart 2022 - 08:57
Xəbər kodu: 1240979
Русијада әслән азәрбајҹанлы олан танынмыш олигарх Украјна меһарибәси илә әлагәдар јаранмыш вәзијјәтә етираз едиб.
