АБНА24 Хәбәр Верир ,Азәрбајҹан Республикасы Президентинин көмәкчиси - Азәрбајҹан Республикасы Президентинин Администрасијасынын Хариҹи сијасәт мәсәләләри шөбәсинин мүдири Һикмәт Һаҹыјев дејиб ки, бу ҝүн Азәрбајҹан Республикасы вә Иран Ислам Республикасы арасында Иран әразисиндән кечмәклә Азәрбајҹанын Шәрги Зәнҝәзур игтисади рајону вә Нахчыван арасында јени коммуникасијаларын јарадылмасы барәдә меморандум имзаланыб.
Президентин көмәкчиси билдириб ки, Азәрбајҹанын ишғалдан азад едилән әразиләриндә - Зәнҝиландан, Ағбәнд кәндиндән Араз чајы үзәриндән Ирана көрпүләр инша олунаҹаг: “Гуру вә дәмир јоллары, ејни заманда, електрик хәтләри дә дахил олмагла јени бир лајиһәнин әсасы гојулуб. Бу, Түркијә, Иран вә Азәрбајҹаны бирләшдирән дәһлиздир. Бу, ејни заманда Аврасијада јени бир дәһлиз олаҹаг ки, бүтүн нәглијјат мәнзәрәсини дәјишәҹәк. Тәбии ки, бундан бизим өлкәләримиз газанды. Бәс газанмајан ким олду? Ермәнистан! Јәни, Ермәнистан истәмир дејә, биз ону ҝөзләјәси дејилик. Азәрбајҹан бу позитив ҝүндәлијини бундан сонра да давам етдирәҹәк”.
342/
12 mart 2022 - 19:24
Xəbər kodu: 1238590
Азәрбајҹан Республикасы Президентинин көмәкчиси Азәрбајҹан, Иран вә Түркијәни бирләшдирән јени дәһлизин әсасынын гојулмасындан хәбәр вериб.
