"АБШ шәр гүввәсидир, Русијадан әл чәкмир"

АБНА24 Хәбәр Верир ,Милли Мәҹлисин сабиг сәдри, профессор Јагуб Мәммәдов билдириб ки, НАТО Русијанын гәрб сәрһәдләринә јахынлашмамалыјды. Әслиндә Русија Гәрб үчүн дејил, Гәрб Москва үчүн тәһлүкә јарадырды. Бу, Гәрб-Русија гаршыдурмасыдыр вә индики мәсәләдә һагг-әдаләт Русијанын тәрәфиндәдир. Бунунла белә ики гардаш халгы, славјан милләтләрини бир-биринә гырдырырлар.

Екс спикерин сөзләринә ҝөрә, тарих боју бирликдә јашамыш халглары бир-биринә дүшмән едән АБШ-дыр. Сијасәтчиләрин ојунбазлығы, һеҝемонлуг давасы халглары гаршы-гаршыја гојур. Ҝөзәл бир өлкә дағылыр, шәһәрләри виран олур, мүлки инсанлар гурбана чеврилир.

Ј.Мәммәдов вурғулајыб ки, Америка Русија рәһбәрлијини гыҹыгландырмасајды, мүһарибә башламазды: "Москванын јеҝанә тәләби о иди ки, НАТО Украјнаја, Русијанын гәрб сәрһәдләринә ҝәлмәсин, гошун јығмасын."

Азәрбајҹанлы профессор гејд едиб ки, Гәрб өз вәдини дәфәләрлә позуб, Полшаја, Румынијаја, Чехијаја ҝириб. Украјнаја мүдахилә сон һәдд иди. Москванын Донетск вә Луганскы “мүстәгил дөвләт” кими танымасы да Гәрбин тәһрики илә олду. Зеленсикини дә тәһрик едиб Минск разылашмасындан узаглашдырдылар. Һазырда исә Украјнаја фитва верирләр, һәрби техника, хариҹи леҝионлар ҝөндәрирләр. Гәрб әввәл дејирди ки, ССРИ шәр иттифагыдыр, ону мүтләг дағытмаг лазымдыр. Инди ССРИ јохдур, амма АБШ јенә дә Русијадан әл чәкмир. Нә истәјирсән, Америка? Сакит отур јериндә, өлкәләри бир-бири илә үз-үзә гојма. Белә чыхыр ки, инди шәр гүввәси АБШ өзүдүр. Гәрб Русијаны тәхрибата чәкди, Кремл дә сәһв едәрәк тәхрибата ҝетди”.

Јагуб Мәммәдов санксијаларын Русијаны зәифләдәҹәјинә дә инанмадығыны дејиб: “Русија бөјүк дөвләтдир, тәбии сәрвәтләри чохдур. Инанмырам ки, мүһарибә вә санксијалар нәһәнҝ бир өлкәни чөкдүрсүн. Ејни заманда Русија вәтәндашлары санксијалара ҝөрә һөкумәтә етираз етмирләр, әксинә, тәзјигләрә мәруз галдығы үчүн дәстәкләјирләр”, - дејә Азәрбајҹан парламентинин сабиг сәдри вурғулајыб.

342/