АБНА24 Хәбәр Верир ,ҝенерал-мајор Игор Конашенков гејд едиб ки, Русија Силаһлы Гүввәләри Украјнанын һәрби инфраструктуруна зәрбәләр ендирмәкдә давам едир.
Тәкҹә мартын 5-дә беш радар стансијасы, ики “Бук М-1” зенит-ракет комплекси мәһв едилиб.
Үмумиликдә әмәлијјат заманы Украјнанын 2119 һәрби инфраструктур објекти вурулуб. Онларын арасында Украјна ордусунун 74 идарәетмә мәнтәгәси вә рабитә мәркәзи, 108 С-300, “Бук М-1” вә “Оса” һава һүҹумундан мүдафиә ракет системләри, һәмчинин 68 радар стансијасы вар.
Өз нөвбәсиндә Украјна һөкумәти мүһарибәнин башландығы ҝүндән индијәдәк Русија ордусунун азы 11 мин нәфәр итки вердијини, 80-ә јахын һәрби тәјјарә вә һеликоптеринин вурулуб салындығыны иддиа едир.
Гејд олунур ки, өтән ҝүн Кијев вилајәтиндә Русија һәрби техникасынын колону Украјна Силаһлы Гүввәләри тәрәфиндән һавадан мәһв едилиб.
“Форбес Украине”ин һесабламаларына ҝөрә исә, һәрби әмәлијјатлар заманы Украјна ордусу 3 милјард АБШ доллары дәјәриндә Русија техникасыны мәһв едиб.
Русија Федерасијасынын мәһв едилмиш техникасы арасында 33 тәјјарә, 37 һеликоптер, 251 танк вә 939 зиреһли дөјүш машыны вар.
Бу арада Кремл Русијаја гаршы санксијалар тәтбиг едән өлкәләрин сијаһысыны һазырламаға башлајыб вә бу барәдә Русија президенти Владимир Путин фәрман имзалајыб.
Фәрманда гејд олунур: “Русија һөкумәти ики ҝүн мүддәтиндә Русијаја вә Русијанын һүгуги вә физики шәхсләринә гаршы гејри-дост һәрәкәтләр едән хариҹи дөвләтләрин сијаһысыны мүәјјән етсин”.
Рәсми Москванын һансыса ҹаваб тәдбирләри һазырлајаҹағы барәдә ачыглама верилмир.
342/
7 mart 2022 - 05:15
Xəbər kodu: 1236714
Русија Мүдафиә Назирлијинин рәсми нүмајәндәси билдириб ки, һәрби әмәлијјатлар башлајандан бәри Русија Силаһлы Гүввәләри Украјнанын 2100-дән чох һәрби објектини мәһв едиб.
