АБНА24 Хәбәр Верир ,Русија Президенти Владимир Путин гадын пилотларла ҝөрүшдә Украјнадакы һәрби әмәлијјатларин график үзрә давам етдијини дејиб.
“Украјнанын һәрби инфраструктурунун мәһв едилмәси баша чатмаг үзрәдир. Украјнада хүсуси әмәлијјат заманы Һава Һүҹумундан Мүдафиә Системләри там мәһв едилиб”, - Русија лидери вурғулајыб.
Путин өлкәдә һәрби вәзијјәт елан олунмајаҹағыны да әлавә едиб.
Русија Президенти Украјнада һәрби әмәлијјатлары өзү үчүн чәтин гәрар адландырыб.
“Русија Украјнадакы мүнагишәни динҹ јолла һәлл етмәк истәјирди. Донбаса русҹа сәрбәст данышмаг вә өз гајдалары илә јашамаға иҹазә верилмәли иди”, - вурғулајыб.
Путин һазыркы һакимијјәтин Украјна дөвләтчилијинин ҝәләҹәјини суал алтында гојдуғуну гејд едиб.
Русија лидери Украјнанын силаһсызлашдырылмасынын чохлу фәргли вариантларынын олдуғуну ачыглајыб. Путин һәмин вариантларын Кијевлә данышыглар масасында олдуғуну билдириб.
Русија Президенти Гәрбин Украјна илә бағлы мөвгејини абсурд театры адландырыб.
“Гараја ағ, аға гара дејирләр”, - Путин вурғулајыб.
О, Гәрбин елан етдији санксијалары мүһарибә илә ејниләшдириб.
“Русијаја гаршы елан олунмуш санксијалар мүһарибә еланы илә ејнидир. Амма һәлә ки буна ҝәлиб чатмајыб”, - Путин дејиб.
О, үчүнҹү тәрәфи Украјнада гејри-учуш зонасы јаратмагдан чәкинмәјә чағырыб: “Русија Украјнада гејри-учуш зонасынын јарадылмасы барәдә гәрар верән истәнилән өлкәни мүнагишә тәрәфи һесаб едәҹәк”.
342/
6 mart 2022 - 05:19
Xəbər kodu: 1236338
Русија президенти Владимир Путин Украјнанын һазыркы һакимијјәтини бу өлкәнин дөвләтчилијинин ҝәләҹәјини суал алтында гојмагда иттиһам едиб.
