АБНА24 Хәбәр Верир , Иран Ислам Республикасынын президенти Назирләр Кабинетинин иҹласындакы чыхышында дејиб: “Иран Ислам Республикасы НАТО-нун онилликләр боју давам едән експансионизми илә бағлы тәһлүкәсизлик нараһатлыгларыны баша дүшмәклә јанашы, бүтүн өлкәләрин әрази бүтөвлүјү вә милли суверенлијинин горунуб сахланмасыны ваҹиб һесаб едир. Биз гәти шәкилдә инанырыг ки, дипломатија вә бүтүн тәрәфләрин бејнәлхалг өһдәликләрә сәмими әмәл етмәси мөвҹуд вәзијјәтдән јеҝанә вә әдаләтли чыхыш јолудур.”
Ҹәнаб Раиси әлавә едиб: “Вәтәндашларын вә мүлки шәхсләрин ҹан вә малларынын горунмасына, бејнәлхалг вә һуманитар һүгуглара риајәт олунмасына бүтүн тәрәфләр ҹидди шәкилдә диггәт јетирмәлидир.”
Иран президенти Украјнада гаршыдурманын дајанмасы үчүн өлкәсинин истәнилән дипломатик аддымлара һазыр олдуғуну билдириб.
Гејд едәк ки, бундан өнҹә Иран Хариҹи Ишләр Назирлији тәрәфләри атәшкәс вә сүлһә чағырмыш, вәзијјәтин бу јерә ҝәлиб чатмасында АБШ вә НАТО-ну тәгсирләндирмишди.
342/
1 mart 2022 - 08:30
Xəbər kodu: 1234603
Иран бүтүн өлкәләрин әрази бүтөвлүјү вә милли һакимијјәтинин горунмасыны вурғулајыр. Президент Рәиси белә дејиб.
