АБНА24 Хәбәр Верир , Туран хәбәр аҝентлији јазыр: Азәрбајҹандан Русијаја ишләмәјә ҝедән, өз бизнеси олан шәхсләр аз дејил. Мүһарибә давам етдикҹә вә һәр ики өлкәнин милли валјутасы дәјәр итирдикҹә Азәрбајҹана ҹидди ишсиз ордусу ҝәлә биләрми? Бунун өлкәнин мәшғуллуг базарына нә кими тәсирләри олар?
2021-ҹи илдә Русија Федерасијасынын МДБ өлкәләринә пулкөчүрмә системләри васитәсилә физики шәхсләрин көчүрмәләринин һәҹми 2020-ҹи иллә мүгајисәдә 22,3 фаиз артараг 6,2 милјард АБШ долларындан 7,6 милјард доллара чатыб.
Азәрбајҹан Мәркәзи Банкынын мәлуматына ҝөрә, өтән илин илк 6 ај әрзиндә физики шәхсләр тәрәфиндән Русијадан Азәрбајҹана 120 милјон доллара јахын вәсаит көчүрүб. Бу, өтән дөврлә мүгајисәдә 25,9 фаиз чохдур.
Игтисадчы Натиг Ҹәфәрли 2014-ҹү илдә Крымын илһагындан сонра Русијаја гојулан санксијаларын нәтиҹәсиндә рублун кәскин уҹузлашмасыны јада салараг дејиб: « О заман Русијадан Азәрбајҹана пул көчүрмәләри кәскин азалды. Бу көчүрмәләр әсасән Азәрбајҹан реҝионларында әһалинин сосиал вәзијјәтинә мүсбәт тәсир едән амилдир. Санки Азәрбајҹанын сосиал јүкүнүн бир һиссәсини Русијадан ҝәлән вәсаит өдәјирди».
Експертин сөзләринә ҝөрә, инди дә рублун мәзәннәсинин ашағы дүшмәси ејни тәсир ҝөстәрир: «Чүнки орада јашајан сојдашларымыз рублла пул газанырлар вә рубл уҹузлашдыгҹа онларын газанҹлары да азалыр. Јәни, Русијадан Азәрбајҹана вәсаит көчүрмәләри кәскин азалаҹаг».
Онун фикринҹә, Русијада игтисади вәзијјәт писләшсә дә, орада ишләјән азәрбајҹанлылар күтләви шәкилдә өлкәјә гајытмајаҹаг: «Азәрбајҹанда да иш јерләрилә бағлы ҹидди проблемләр, бизнес фәалијјәтилә бағлы мәһдудијјәтләр вар. Русија базары исә даһа бөјүкдүр вә истәр-истәмәз бир јердә иш итирәндә диҝәр јердә ону тапмаг еһтималы даһа чохдур. Она ҝөрә дә мигрантларын күтләви шәкилдә ҝери гајытмасыны ҝөзләмирәм».
342/
26 fevral 2022 - 07:42
Xəbər kodu: 1233510
Украјна бөһраны илә бағлы Америка вә Авропа өлкәләринин Русијаја гаршы санксијалар тәтбиг етмәләри нәтиҹәсиндә рублун мәзәннәси ҝетдикҹә ашағы дүшмәјә, Русија ири ширкәтләринин сәһмләри уҹузлушмаға башлајыб.
