АБНА24 Хәбәр Верир , Украјна Президент офисинин мүшавири Алексеј Арестович дејиб ки, икинҹи һүҹум далғасы сәһәркиндән ағыр олмајаҹаг. 4 әсас тәһлүкәли һүҹум истигамәти вар: Крым, Бирләшмиш Гүввәләрин Әмәлијјат зонасы, Чернигов вә Харков истигамәтләри.
Гејд едәк ки, Русија президенти Владимир Путин Донбасда хүсуси әмәлијјатын кечирилмәси мәгсәдилә гәрар гәбул едиб. Путин бу барәдә Русија вәтәндашларына мүраҹиәртиндә дејиб.
О өз мүраҹиәтиндә “Русија үчүн тәһдид јарада биләҹәк хариҹи гүввәләри” дә һәдәләјиб; билдириб ки, Русијанын белә тәһдидләрә ҹавабы ләнҝимәјәҹәк вә Русија һадисәләрин истәнилән инкишафына һазырдыр. Бүтүн зәрури гәрарлар гәбул едилиб.
Путин мүраҹиәтиндә “Украјнаны ишғал етмәк нијјәтләринин олмадығыны” да демәји унутмајыб.
Һүҹумлар заманы аеродромлара, Украјна Силаһлы Гүввәләринин һәрби објектләринә ракет вә бомбалы һүҹумлар һәјата кечириб. Ејни заманда, Украјнанын дөвләт сәрһәди боју әразиси вә јашајыш мәнтәгәләри атәшә тутулуб.
Русијанын Мүдафиә Назирлији һәрби әмәлијјатларла бағлы билдириб ки, јүксәк дәгигликли силаһлар васитәсилә Украјна Силаһлы Гүввәләринин һәрби инфраструктуру, һава һүҹумундан мүдафиә васитәләри, һәрби аеродромлары, авиасијасы сырадан чыхарлыб.
НАТО баш верәнләрә реаксија олараг Русијанын ағыр бәдәл өдәјәҹијини билдириб. “Бу, Русијаја баһа баша ҝәләҹәк
“Бу, Русијаја баһа баша ҝәләҹәк, НАТО үзвләри Русијаја ағыр санксијалар тәтбиг едирләр. Месажымыз конкретдир: һеч вахт бејнәлхалг һүгугун позулмасыны гәбул етмәјәҹәјик”, - дејә НАТО-нун Баш катиби Јенс Столтенберг кечирдији мәтбуат конфрансында дејиб.
Бу арада Украјна Русија Федерасијасы илә дипломатик әлагәләрини рәсми шәкилдә кәсиб.
Украјна Хариҹи Ишләр Назирлијинин мәлуматында гејд олунур ки, президент Владимир Зеленски Русија илә дипломатик әлагәләрини кәсмәк тәклифини дәстәкләјиб.
342/
25 fevral 2022 - 09:39
Xəbər kodu: 1233168
Русијанын Украјнаја гаршы һүҹумунун икинҹи далғасы башлајыб.
