АБНА24 Хәбәр Верир , Сионистләр өз експансионист мәгсәдләринә чатмаг үчүн һәр ҝүн Фәләстинин мүхтәлиф бөлҝәләринә һүҹум едәрәк, фәләстинлиләри шәһид вә јаралајыр, ја да һәбс едиб зиндана салырлар.
Фәләстинин "Мәа" хәбәр аҝентлијинин мәлуматына Фәләстин Өзүнү Идарәетмә Тәшкилатынын Сәһијјә Назирлији 14 јашлы фәләстинли јенијетмә "Мәһәммәд Шеһадә"нин Бејтләһмин ҹәнубундакы "Әл-Хезр" гәсәбәсиндә Исраил ордусу тәрәфиндән ҝүлләләнәрәк шәһид олдуғуну билдириб.
Сионист режимин "0404" хәбәр сајты ушағын даш атаркән Исраил әсҝәрләри тәрәфиндән вурулдуғуну иддиа едиб.
Шаһидләрин дедијинә ҝөрә, ушаг ҝүлләнин дәјмәсиндән тәхминән јарым саат сонра хәстәханаја чатдырылыб.
"Соут Әл-Гүдс" радиосу билдириб ки, фәләстинли јенијетмәнин шәһадәтиндән сонра инсанлар Әл-Хезр шәһәринин Әбу Рәкәбә бөлҝәсиндә сионистләрин ҹинајәтини писләмәк үчүн етираз аксијасы кечирибләр ки, бу да шәһәр әтрафында ҝениш шәкилдә јерләшдирилән сионист һәрбчиләрлә тоггушмалара сәбәб олуб.
Бејтләһмин ҹәнубунда јерләшән Әл-Дәһишә дүшәрҝәсиндә шәһидин аиләсинин евинин гаршысында сионистләрин вәһшиликләринә гаршы гәзәбләрини ифадә етмәк үчүн көнүллү јүрүш кечирилиб.
342/
24 fevral 2022 - 06:30
Xəbər kodu: 1232849
Чәршәнбә ахшамы ҝеҹә саатларында Иордан чајынын гәрб саһилиндә јерләшән Бејтләһм шәһәриндә бир фәләстинли јенијетмә сионист һәрбчиләр тәрәфиндән ҝүлләләнәрәк, шәһид едилиб.
