АБНА24 Хәбәр Верир , Бирләшмиш штатлар Украјнадакы һадисәләр вә Русијанын Донетск вә Луганскын мүстәгиллијини танымасына ҝөрә, Москваја гаршы илк санксијаларыны ачыглајыб.
"Спутник"ин мәлуматына ҝөрә, Русијанын АБШ-дакы сәфири Анатоли Антонов Вашингтонун бу һәрәкәтинә реаксијада дејиб: "Бизә гаршы тәтбиг едилән санксијаларын малијјә вә енержи базарларына ҹидди зәрбә вураҹағы шүбһәсиздир вә АБШ-да бу мәсәләдән аманда галмајаҹаг вә ади вәтәндашлар гијмәт артымынын бүтүн нәтиҹәләрини һисс едәҹәкләр".
АБШ Малијјә Назирлијинин санксијалары Русија банкларыны вә бир сыра Русија рәсмиләрини һәдәф алыб. Русијанын Инкишаф вә Хариҹи Игтисади Әлагәләр Банкы "Вонҹһе Еҹономбанк" вә "Промсвјаз Банк"ы Русијанын дөвләт вә мүдафиә бүдҹәләринин малијјәләшдирилмәсиндә мүһүм рол ојнадығы иддиасы илә АБШ-ын санксија сијаһысына салыныб.
АБШ Малијјә Назирлији үч русијалы бизнесмен вә онларын аилә үзвләринин адларыны ачыглајыб вә онлары санксијалар сијаһысына дахил едиб.
Назирлик ембарго гојулан шәхсләрин Русија президенти Владимир Путинин јахын чеврәсинә аид олдуғуну иддиа едиб.
Русијанын АБШ-дакы сәфири Вашингтона хәбәрдарлыг едиб ки, Русијаја гаршы санксијаларын тәтбиги һеч бир проблеми һәлл етмәјәҹәк.
Антонов дејиб: "Вашингтонда Русијанын санксијалары сәртләшдирмәклә хариҹи сијасәтини дәјишәҹәјинә үмид едән кимсәнин олмасыны тәсәввүр етмәк чәтиндир".
О, әлавә едиб: "Бир ҝүнү белә хатырламырам ки, өлкәмиз Гәрбин гојдуғу мәһдудијјәтләр олмадан јашамыш олсун. Биз белә шәраитдә ишләмәји тәкҹә јашамаг үчүн дејил, һәм дә өлкәмизи инкишаф етдирмәк үчүн өјрәнмишик".
342/
24 fevral 2022 - 06:11
Xəbər kodu: 1232840
Русијанын АБШ-дакы сәфири Москваја гаршы санксијалары АБШ вә Гәрбин садә вәтәндашларынын зәрәринә һесаб едиб.
